ნორვეგიის დედაქალაქ ოსლოში ღამის კლუბსა და მიმდებარე ქუჩებზე სროლის შედეგად ორი ადამიანი დაიღუპა, ხოლო 14 დაშავდა. პოლიცია თავდასხმას ტერორისტულ აქტად განიხილავს,- ამის შესახებშესახებ ადგილობრივი პოლიცია იტყობინება.

სროლა ლონდონის პაბში მოხდა, რომელიც საკუთარ თავს „გეი შტაბს 1979 წლიდან უწოდებს“, იტყობინება ნორვეგიის საზოგადოებრივი მაუწყებელი NRK.

არსებული ინფორმაციით, სროლა ადგილობრივი დროით ღამის პირველ საათზე მოხცდა, როდესაც ნორვეგიის დედაქალაქი ყოველწლიური სიამაყის აღლუმისთვის ემზადებოდა.

სამართალდამცველებმა სავარაუდო დამნაშავე უკვე დააკავეს.

„უდანაშაულო ადამიანებზე თავდასხმა იყო საშინელი და შოკისმომგვრელი. ჩვენ ჯერ არ ვიცით, რა დგას ამ საშინელი ქცევის უკან, მაგრამ მინდა, ხალხს ვუთხრა, რომ თქვენს გვერდით ვდგავართ“, – განაცხადა ნორვეგიის პრემიერ-მინისტრმა იონას გაჰრ შტორემ.

მისი თქმით, მიუხედავად იმისა, რომ მოტივი გაურკვეველია, სროლამ ლგბტქ თემში შიში და მწუხარება გამოიწვია.

შეგახსენებთ, რომ ოსლოში ყოველწლიური სიამაყის აღლუმი უნდა გაიმართოს.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა