რუსეთის ომი უკრაინის წინააღმდეგ დაგეგმილი გენოციდია. პუტინის მიზანია შექმნას, ყოფილი სსრკ-ს მსგავსი რუსული იმპერია,- განაცხადა აშშ-ს ყოფილმა სახელმწიფო მდივანმა და 2024 წლის საპრეზიდენტო არჩევნების შესაძლო კანდიდატმა მაიკ პომპეომ.

მისივე თქმით,  ვლადიმერ პუტინის გეგმებში ასევე შედის ენერგორესურსების ხელში ჩაგდება ყოფილი საბჭოთა რესპუბლიკების ტერიტორიაზე და შემდგომ რუსული პირობები სდაწესება ენერგეტიკის სფეროში.

„პუტინის უკანონო, შეტევითი ომი წარმოადგენს დაგეგმილ გენოციდს, ანუ ხალხის მიზანმიმართულ განადგურებას, როგორც ეს განსაზღვრულია გაეროს წესდებაში 1948 წელს. ეს გამოიწვევს დიდ ეკონომიკურ ზარალს აშშ-სთვის და მსოფლიოსთვის,“, - განაცხადა პომპეომ.

მისი აზრით, ასეთი განვითარების თავიდან ასაცილებლად მხოლოდ ერთი გზა არსებობს: შეაჩეროს რუსეთის მცდელობა დონბასზე კონტროლის დამყარების კუთხით და გააგრძელოს უკრაინის ყოვლისმომცველი დახმარება.

„ამერიკას აქვს აბრამსის ტანკების დიდი მარაგი;  მნიშვნელოვანი ნაწილი დაუყოვნებლივ უნდა მომზადდეს უკრაინაში გადასაზიდად“, - განაცხადა პომპეომ.

მან ასევე მოითხოვა კიევისთვის ამერიკული წარმოების პატრიოტის საჰაერო თავდაცვის სისტემების მიწოდება და აღნიშნა, რომ ამჟამინდელი საბჭოთა პერიოდის S-300 სისტემები საკმარისი არ არის.

მაიკ პომპეო რესპუბლიკელია. ის 2018-21 წლებში დონალდ ტრამპის ადმინისტრაციაში სახელმწიფო მდივნის პოსტს იკავებდა. მან ცოტა ხნის წინ მიანიშნა, რომ განიხილავს კანდიდატობას 2024 წლის შეერთებული შტატების საპრეზიდენტო არჩევბებში.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება