ვიცავთ ისტორიას, ეროვნულ ღირსებას, ქართველობას,- აცხადებს პარლამენტის წინ მიმდინარე აქციაზე გამოსვლისას მედია ექსპერტი ნინო დანელია.

მისივე თქმით, ქართველობა არასდროს ყოფილა სილაჩრე და მოძმე ერის საერთო მტერთან მიტოვება. 

"ჩვენ აქ ყველანი შევიკრიბეთ ერთი მიზნისთვის - ვიცავთ ისტორიას, ეროვნულ ღირსებას, ქართველობას, იმიტომ რომ ქართველობა არასდროს ყოფილა სილაჩრე და მოძმე ერის საერთო მტერთან მიტოვება. არასდროს ვტოვებთ მარტო დაჩაგრულ ადამიანებს. ყოფილა საქართველოში ისეთი დღეები რომ უფსკრული გახსნილა, მაგრამ არასდროს არ დამთავრებულა ეს ოლიგარქის გამარჯვებით. ქართული ტრადიცია არის, როდესაც ბოროტება წააგებს სიკეთესთან. გადამწყვეტ ფაზაშია ჩვენი ბრძოლა და აუცილებლად უნდა გავიმარჯვოთ. ზუსტად ისე, როგორც უკრაინას არ აქვს დანებების უფლება, არც საქართველოს აქვს დანებების უფლება. ოლიგარქს არ უნდა ჩვენი გამარჯვება, მაგრამ ვინ ჰკითხავს მას? ყველაფერს ფულით ვერ იყიდი. ჩვენ ეს კარგად ვიცით. ჩვენი ვალია რომ ეს ხელისუფლება ჩამოვაშოროთ ხელისფლებას, რადგან ისინი არიან კრემლის მონები. დადგება ის დღე, როდესაც მართლა მრავალფეროვანი მოქალქეები ისევ შევიკრიბებით და ერთმანეთს მივულოცავთ გამარჯვებას,"- აცხადებს დანელია.

პარლამენტის წინ აქცია „შინ ევროპისკენ“ დაიწყო, გამომსვლელების შემდეგ, შეკრებილები მსვლელობით ევროპის მოედნისკენ გაემართებიან. 

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას