2022-06-18 18:17:08, 1221 ნახვა
პოლიტიკა
შშმ პირების მიმართვა - ჩვენი სიმშვიდის ერთადერთი გარანტია ევროპული ღირებულებებია
ევროპასთან ინტეგრაციის დაჩქარება ჩვენთვის სასიცოცხლოდ მნიშვნელოვანია. - განაცხადეს შეზღუდული შესაძლებლობის მქონე პირებმა ღია საზოგადოების ფონდის ოფისში პრესკონფერენცია დროს.
მათივე თქმით, მათი სიმშვიდის ერთადერთი გარანტია ევროპული ღირებულებები და სივრცეა.
"ჩვენი სიმშვიდის ერთადერთი გარანტია ევროპული ღირებულებები და სივრცეა, სადაც ადამიანებს პატივს სცემენ, არიან რეალიზებული და აღიარებული. გააკეთეთ ყველაფერი სიტუაციის გამოსასწორებლად". - ნათქვამია განცხადებაში.
შეგახსენებთ, რომ გუშინ ევროკომისიამ უკრაინასა და მოლდოვისთვის ევროკავშირის წევრობის კანდიდატის სტატუსის მინიჭების რეკომენდაცია გასცა, საქართველოსთვის კი არა.
ავტორი: ექსპრესნიუსი,
epn.ge (@expressnews.ge)
