ევროკომისია რეკომენდაციას გაუწევს უკრაინასა და მოლდოვას ევროკავშირში გაწევრიანების კანდიდატის სტატუსის მინიჭების თაობაზე, გარკვეული პირობების გათვალისწინებით, რომელიც მომავალში შესრულდება, იუწყება Bloomberg ინფორმირებულ წყაროებზე დაყრდნობით.

ამასთან, ევროკომისია გეგმავს გამოაცხადოს, რომ ურჩევს საქართველოსთვის კანდიდატის სტატუსის მინიჭებას, მაგრამ მხოლოდ მას შემდეგ, რაც იგი შეასრულებს რამდენიმე წინაპირობას.

"აღმასრულებელი ხელისუფლება აპირებს უკრაინისა და მოლდოვას ევროკავშირის კანდიდატი ქვეყნების სტატუსის მინიჭების რეკომენდაციას. ეს არის სიმბოლური ნაბიჯი, ევროკავშირში გაწევრიანების ხანგრძლივი პროცესის ნაწილი", - წერს სააგენტო.

ბლუმბერგი აღნიშნავს, რომ ამავდროულად, ევროკომისია „გამოაცხადებს იმ პირობებს, რომელთა შესრულება მოუწევთ ამ ქვეყნებს მომავალში. ისინი ეხება კანონის უზენაესობას, მართლმსაჯულების სისტემას და კორუფციასთან ბრძოლას.

იგივე პირობებით საქართველოც შეძლებს ასეთი სტატუსის მიღებას.

ის, რომ ევროკომისია უკრაინას ევროკავშირის კანდიდატი ქვეყნის სტატუსის მინიჭების წინადადებას აპირებს, მანამდე Politico-მ გაავრცელა. Bloomberg-ის ცნობით, რამდენიმე ქვეყანამ უკვე გააპროტესტა, განსაკუთრებით დანია და ნიდერლანდები.

16 ივნისს კიევში გამართული მოლაპარაკებების შემდეგ გამართულ პრესკონფერენციაზე ემანუელ მაკრონმა თქვა, რომ ოთხივე ევროპელი ლიდერი მხარს უჭერს უკრაინას „დაუყოვნებლივ“ კანდიდატის სტატუსის მინიჭების იდეას. ოლაფ შოლცმა აღნიშნა, რომ უკრაინის ევროკავშირში წევრობის მინიჭებისთვის „დემოკრატიისა და კანონის უზენაესობის მოთხოვნები უნდა დაკმაყოფილდეს“.

რუსეთის ფედერაციის მუდმივმა წარმომადგენელმა გაეროში ვასილი ნებენზია თავის მხრივ რუსეთის მიმართ ევროკავშირის დამოკიდებულებას „მტრულ“ უწოდა. მისი თქმით, უკრაინის შესაძლო გაწევრიანება ევროკავშირში არ შეესაბამება რუსეთის ინტერესებს.

„ახალი სახელმწიფოების, მათ შორის უკრაინის ამ არამეგობრულ გაერთიანებასთან დაკავშირება ახალ პირობებში აღარ შეესაბამება რუსეთის ინტერესებს“, - ხაზგასმით აღნიშნა მან.

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას