ნიდერლანდებში დააკავეს რუსი აგენტი, რომელიც  სისხლის სამართლის საერთაშორისო სასამართლოში სამუშაო სტაჟირების გავლას ცდილობდა, ამის შესახებ ინფორმაციას ნიდერლანდების დაზვერვა ავრცელებს.

აღნიშნული პირი რუსეთის სამხედრო დაზვერვის სამსახურში GRU-ს აგენტი იყო. მან გამოიყენა ყალბი ბრაზილიური იდენტობა პროგრამაში მოსახვედრად. აგენტი ნიდერლანდების დაზვერვამ ბრაზილიაში დააბრუნა.სისხლის სამართლის საერთაშორისო სასამართლო იძიებს რუსეთის მიერ უკრაინაში ჩადენილ შესაძლო სამხედრო დანაშაულებს. ICC ასევე იძიებს 2008 წელს საქართველოში რუსეთის ომის დროს მომხდარ სამხედრო დანაშაულებს. ამ მიზეზების გამო, სისხლის სამართლის საერთაშორისო სასამართლოს ინფორმაციაზე ფარული ხელმისაწვდომობა ძალზედ ღირებული იქნებოდა რუსეთის დაზვერვის სამსახურებისთვის.

"ნოდერლანდების დაზვერვა მიიჩნევს, რომ იგი წარმოადგენს საფრთხეს ეროვნული უსაფრთხოებისთვის და სამსახურმა ამის შესახებ აცნობა ჰოლანდიის იმიგრაციისასამსახურს ოფიციალურ მოხსენებაში,"- წერს უცხოური მედია.

რუსეთის დაზვერვის ოფიცერი, სავარაუდოდ, იყო ბრაზილიის მოქალაქე ვიქტორ მიულერ ფერეირა (დაიბადა 1989 წლის 4 აპრილს), სინამდვილეში კი მისი ნამდვილი სახელია სერგეი ვლადიმიროვიჩ ჩერკასოვი (დაიბადა 1985 წლის 11 სექტემბერს). ჩერკასოვმა კარგად აწყობილი სქემა გამოიყენა, რომლითაც იგი მალავდა მთელ თავის კავშირს ზოგადად რუსეთთან და კონკრეტულად GRU-სთან.

ამ ტიპის ოფიცერი უფრო ცნობილია, როგორც "არალეგალური": დაზვერვის ოფიცერი, რომელმაც მიიღო ხანგრძლივი და ვრცელი მომზადება. მათი მეტსახელის ვინაობის გამო, არალეგალების აღმოჩენა რთულია. ამ მიზეზით ისინი ხშირად რჩებიან შეუმჩნეველი, რაც მათ საშუალებას აძლევს განახორციელონ სადაზვერვო საქმიანობა. იმის გამო, რომ ისინი თავს უცხოელებად წარმოადგენენ, მათ აქვთ წვდომა ინფორმაციაზე, რომელიც მიუწვდომელი იქნება რუსეთის მოქალაქეებისთვის. GRU-ს გარდა, არალეგალებს ასევე იყენებს რუსეთის სადაზვერვო სამსახური SVR.

GRU-ს მთავარი ყურადღება გამახვილებულია სამხედრო დაზვერვის შეგროვებაზე, მაგრამ ის ასევე აგროვებს დაზვერვას, რომელიც უფრო პოლიტიკური ან ტექნოლოგიური ხასიათისაა. GRU არა მხოლოდ აგროვებს ინფორმაციას, მისი ოფიცრები ასევე ახორციელებენ ფარული გავლენის ოპერაციებს. 

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება