შეერთებული შტატებისა და სხვა მოკავშირეების ახალი  იარაღი უკრაინას საშუალებას მისცემს დაიბრუნოს ყველა დროებით ოკუპირებული ტერიტორია, მათ შორის ყირიმი,- ამის შესახებ  უკრაინის თავდაცვის მინისტრმა ოლექსი რეზნიკოვმა CNN-თან ინტერვიუში განაცხადა.

მისი თქმით, უკრაინას უკვე აქვს იმ ნაბიჯების ჩამონათვალი, რომლებიც განხორციელდება სამხედრო დახმარების ახალი ტვირთების ჩამოსვლის შემდეგ.

"ჩვენ ვაპირებთ გავათავისუფლოთ ყველა ჩვენი ტერიტორია, ყველა მათგანი, მათ შორის ყირიმი. ყირიმი უკრაინის სტრატეგიული მიზანია, რადგან ეს არის უკრაინის ტერიტორია. მაგრამ ჩვენ ნაბიჯ-ნაბიჯ გადავალთ", - განაცხადა რეზნიკოვმა.

თავდაცვის მინისტრის თქმით, უკრაინელი დამცველების შემდგომი ქმედებები შეიარაღების ახალი მიწოდების შემდეგ სამ ეტაპად დაიყოფა. პირველი დაგეგმილია ფრონტზე სიტუაციის სტაბილიზაცია, რათა თავიდან იქნას აცილებული დანაკარგები რუსული ჯარების წინააღმდეგ ბრძოლებში.

მეორე ნაბიჯი არის ოკუპანტების საზღვრებისკენ მიყვანა 24 თებერვლამდე, როდესაც რუსეთმა სრულმასშტაბიანი შეჭრა დაიწყო. მესამე ეტაპზე კი უკრაინის პარტნიორებთან „ტერიტორიების, მათ შორის ყირიმის გათავისუფლების გზები“ განიხილება.

შეგახსენებთ, 15 ივნისს გაიმართა უკრაინის დასავლელი პარტნიორების შეხვედრა რამშტეინ-3 ფორმატში. მოლაპარაკებების შედეგად მიღებულ იქნა გადაწყვეტილება, რომ უკრაინას ახალ იარაღს მიაწვდიან. შეერთებული შტატები გადასცემს  არტილერიას, HIMARS-ს და Harpoons-ს ხომალდსაწინააღმდეგო რაკეტებს . სლოვაკეთი გაგზავნის ვერტმფრენებს, კანადა, პოლონეთი და ნიდერლანდები არტილერიას, ხოლო გერმანია MLRS-ს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს