უკრაინის ჯარების წვრთნა გერმანულ ჰაუბიცებზე მალე დასრულდება, რაც გზას გაუხსნის იარაღის გამოყენებას უკრაინის ომში, - განაცხადა გერმანიის თავდაცვის მინისტრმა ქრისტინე ლამბრეხტმა.

უკრაინა დასავლეთს მეტ და უკეთეს არტილერიას სთხოვს, რადგან ქვეყანას საბჭოთა ეპოქის საბრძოლო არსენალი ეწურება.დასავლეთის ქვეყნები უკრაინას ნატო-ს სტანდარტების იარაღს დაპირდნენ, მაგრამ სამხედროებისათვის მათი გამოყენების შესწავლას დრო სჭირდება.

”მალე დასრულდება სწავლება Panzerhaubitze 2000-ზე, რათა ის გამოიყენებოდეს უკრაინაში ბრძოლაში”, - განუცხადა ლამბრეხტმა ჟურნალისტებს დასავლეთ გერმანიის ქალაქ რაინბახში სამხედრო ბაზაზე ვიზიტის დროს.

Panzerhaubitze 2000 არის ერთ-ერთი უძლიერესი საარტილერიო იარაღი ბუნდესვერის ინვენტარში და შეუძლია სამიზნეების დარტყმა 40 კმ მანძილზე.

მაისში გერმანიამ პირობა დადო, რომ კიევს შვიდი თვითმავალი ჰაუბიცს მიაწვდიდა, რაც ნიდერლანდების მიერ დაპირებულ ხუთ საარტილერიო სისტემას დაამატა.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა