ევროკომისიას დღეს უკრაინის, მოლდოვასა და საქართველოს წევრობის განაცხადზე საორიენტაციო დებატები ჰქონდა, გამოცხადდა პირველი შედეგები,- ამის შესახებ ინფორმაციას ჟურნალისტი რიკარდ ჟოზვიაკი Twitter-ზე ავრცელებს.

მისი თქმით, ევროკომისიაში გაიმართა წინასწარი დებატები, სადაც განიხილეს სამი ქვეყნის: უკრაინის, მოლდოვასა და საქართველოს ევროკავშირში გაწევრიანების განაცხადი.

„დღეს ევრიკომისიას ჰქონდა საორიენტაციო დებატები უკრაინის, მოლდოვასა და საქართველოს წევრობის განაცხადზე. როგორც ჩანს, კანდიდატის სტატუსს პირობებით მიიღებენ მოლდოვა და უკრაინა, თუმცა კითხვის ნიშნის ქვეშაა საქართველო. გადაწყვეტილება იქნება პარასკევს, წევრი სახელმწიფოები კი საბოლოო განაჩენს მომდევნო კვირაში გამოიტანენ“,- წერს ჟოზვიაკი.

შეგახსენებთ, რომ 25 მაისს საქართველოს ხელისუფლებამ, ხოლო 28 თებერვალს პრეზიდენტმა ვლადიმირ ზელენსკიმ ევროკავშირს მიმართა თხოვნით, რომ საქართველოსთვის და უკრაინასთვისვროკავშირის წევრობის სტატუსი მიენიჭებინათ.

საქართველომ ევროკავშირის წევრობის განაცხადი 3 მარტს წარადგინა. 11 აპრილს კი ოფიციალურად გადაეცა თვითშეფასების კითხვარი. საქართველოს მთავრობამ კითხვარის პირველი, შევსებული ნაწილი ბრიუსელს 2 მაისს, ხოლო მეორე ნაწილი - 10 მაისს გაუგზავნა.

ამასთან 8 ივნისს  ევროპარლამენტმა მხარი დაუჭირა რეზოლუციას , რომელიც  რეკომენდაციას უწევს ევროკავშირს, მიენიჭოს უკრაინას ევროკავშირის წევრობის კანდიდატის სტატუსი.

ევროკომისია ქვეყნების განაცხადებზე საბოლოო გადაწყვეტილებას პარასკევს, 17 ივნისს მიიღებს.

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას