ავსტრიის კანცლერი კარლ ნეჰამერი უკრაინისთვის ევროკავშირის კანდიდატის სტატუსის მინიჭებას მხოლოდ მაშინ დათანხმდება თუ სტატუსს სხვა განმცხადებლებიც მიიღბებენ. ამის შესახებ მან ესტონეთში ვიზიტისას განაცხადა.

ნეჰამერი თქმით, ავსტრიისთვის ეს არის „პირობა“, რომ თუ უკრაინას მიენიჭება კანდიდატის სტატუსი, „იგივე უნდა შეეხოს დასავლეთ ბალკანეთის ქვეყნებსა და მოლდოვას რესპუბლიკას“.

ნეჰამერმა განმარტა, რომ წინადადება მისგან კი არ მოვიდა, არამედ საფრანგეთის პრეზიდენტის ემანუელ მაკრონისგან. რომელმაც „ამ დისკუსიაში კეთილსინდისიერებისა და პატიოსნებისკენ" მოუწოდა,

მისი თქმით, ყველაზე ცუდი მაგალითი თურქეთის კანდიდატის სტატუსი იყო, რომელიც 59 წელი გაგრძელდა.

ესტონეთის პრემიერმინისტრის კალასის განცხადებით,ზოგიერთი ქვეყანა 100%-თაა დამოკიდებული რუსეთზე.

„რაც შეეხება გაზის ემბარგოს, ძალიან ამაყობს, რომ ექვსი სანქციების პაკეტი უკვე მიღებულია და ყოველი მათგანი უფრო მტკივნეული ხდება. რუსეთზე ენერგეტიკული დამოკიდებულების გავლენა სხვადასხვა ქვეყნებზე განსხვავებულად მოქმედებს. ზოგიერთი ქვეყანა 100 პროცენტით არის დამოკიდებული რუსეთზე. ამის მოშორებას დრო სჭირდება. საჭიროა ყველა მონაწილესთან საუბარი“,- განაცხადა კალასმა.

შეგახსენებთ, რომ 3 მარტს საქართველომ დამოლდოვამ, ევროკავშირის წევრობის განაცხადი წარადგინეს, 11 აპრილს თბილისმა მიიღო წევრობის კანდიდატი ქვეყნის სტატუსის თვითშეფასების კითხვარი.

კითხვარის პირველი ნაწილის შევსების შემდეგ საქართველოს მთავრობამ ბრიუსელში პირველი ნაწილ 2 მაისს, ხოლო მეორე კი 10 მაისს გაგზავნა.

28 თებერვალს ევროკავშირის წევრობის განაცხადი უკრაინამ წარადგინა. 

გადაწყვეტილება საქართველოსთვის, უკრაინისა და მოლდოვისთვის ევროკავშირის წევრობის კანდიდატი ქვეყნის სტატუსის მინიჭებაზე 24 ივნისს გახდება ცნობილი. 

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას