თურქეთის ხელისუფლებამ უკრაინას დახმარება შესთავაზა ოდესის პორტიდან ნაღმებისგან გასასვლელის გაწმენდით, რათა აღდგეს უკრაინული მარცვლეულის ექსპორტი, წერს Bloomberg წყაროებზე დაყრდნობით.

სააგენტოს ცნობით, თურქეთმა ეს წინადადება რუსეთთან კოორდინირებულად მიიღო და იმედოვნებს, რომ გაერო ინიციატივას მხარს დაუჭერს. უკრაინა ამ იდეას „სკეპტიკურად უყურებს“ და შიშობს, რომ რუსეთი გამოიყენებს უსაფრთხო დერეფანს ოდესაზე თავდასხმისთვის, აცხადებენ Bloomberg-ის წყაროები. ამ კუთხით ღიად ისაუბრა უკრაინის საგარეო საქმეთა მინისტრმა დიმიტრი კულებამ.

6 ივნისს პრეზიდენტმა ვოლოდიმირ ზელენსკიმ, უკრაინული მედიის ცნობით, 6 ივნისს თურქეთი დაასახელა იმ ქვეყნებს შორის, რომლებსაც უკრაინა ენდობა, როგორც შესაძლო მონაწილეები კრიზისის მოგვარების საქმეში. ამასთან, მისი აზრით, ამ ვითარებაში უსაფრთხოების საუკეთესო გარანტია უკრაინისთვის ხომალდსაწინააღმდეგო იარაღის მიწოდება იქნება.

უკრაინის პორტების განბლოკვის საკითხი ორშაბათს უკრაინისა და თურქეთის თავდაცვის მინისტრებმაც განიხილეს.

უკრაინა მარცვლეულის ერთ-ერთი უდიდესი ექსპორტიორია მსოფლიოში. რუსეთის შემოჭრის გამო ექსპორტის მნიშვნელოვანი ნაწილი შეჩერებულია, რაც ქმნის გლობალური სასურსათო კრიზისის საფრთხეს. რუსეთი, რომელმაც დაიპყრო უკრაინის ძირითადი პორტების ნაწილი, მომხდარში კიევს ადანაშაულებს და ამტკიცებს, რომ ექსპორტს აფერხებს უკრაინის მიერ მის პორტებთან მისადგომების მოპოვება.

ავტორი: ექსპრესნიუსი,

სოციალური ქსელები

თბილისობა წელს 3 და 4 ოქტომბერს ქალაქის ხუთ ლოკაციაზე აღინიშნება

სურსათის ერვონულმა სააგენტომ ბაღების საკვებიდან ამოღებულ არცერთ ნიმუში დარღვევა არ დადასტურდა

ერთმა არასრულწლოვანმა, მოქალაქის კუთვნილი მოტოციკლი, ხოლო მეორემ მიკროავტობუსი გაიტაცა - პოლიციამ ექვსი არასრულწლოვანი დააკავა

საწვავი გაძვირებას განაგრძობს - პრემიუმი - ₾4.09, რეგულარი - ₾3.75, დიზელი - ₾4.87