2022-06-06 17:13:04, 1759 ნახვა
ომი უკრაინაში
უკრაინაში რუსი ტყვეებისთვის სპეციალური ბანაკი შეიქმნა
უკრაინაში რუსი სამხედრო ტყვეებისთვის სპეციალური ბანაკი შეიქმნა. - განაცხადაუკრაინის იუსტიციის მინისტრმა დენის მალიუსკმა.
მისივე თქმით,ბანაკში გადაიყვანენ იმ სამხედრო ტყვეებს, რომელთა გაცვლაც ახლო მომავალში არ იგეგმება.
"უკრაინის მთავარი მიზანი რუსი სამხედრო ტყვეების შენარჩუნებაა ისე, რომ არ იყოს ბრალდებები წამებისა და ომის დანაშაულებში". - ნათქვამია განცხადებაში.
შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.
ავტორი: ექსპრესნიუსი,
epn.ge (@expressnews.ge)
