2022-06-04 13:59:26, 1380 ნახვა
ომი უკრაინაში
ბრიტანეთის დაზვერვა - დონბასში უმართავი საბრძოლო მასალის გამოყენებას მოქალაქეები ემსხვერპლნენ
უკრაინის დონბასის რეგიონში რუსული საჰაერო თავდასხმების სიხშირე როგორც მართვადი, ასევე უმართავი საბრძოლო მასალის გამოყენებით, კვლავ მაღალია. - განაცხადა ბრიტანეთის დაზვერვამ.
მათივე თქმით, რუსეთის ასეთ ქმედებებს მოქალაქეები ემსხვერპლნენ.
"დონბასში უმართავი საბრძოლო მასალის მზარდ გამოყენებას დასახლებული ტერიტორიის განადგურება და მშვიდობიანი მოსახლეობის მსხვერპლი მოჰყვა". - ნათქვამია განცხადებაში.
შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.
ავტორი: ექსპრესნიუსი,
epn.ge (@expressnews.ge)
