უკრაინაში რუსული არმიის მიერ ჩადენილი სამხედრო დანაშაულების გამოძიება სულ უფრო და უფრო მატულობს. სისხლის სამართლის საერთაშორისო სასამართლო ამისთვის კიევში სპეციალური ბიუროს გახსნას გეგმავს. ერთობლივ საგამოძიებო ჯგუფს შეუერთდნენ ესტონეთი, ლატვია და სლოვაკეთიც. გუნდი კოორდინაციას გაუწევს ძალისხმევას და გაუზიარებს მტკიცებულებებს ევროპული სასამართლო სააგენტო Eurojust-ის მეშვეობით.

"დღეს უკრაინაში 15000-მდე ომის დანაშაულის საქმეა. უბრალოდ დაფიქრდით. ხვალ შეიძლება კიდევ 200-300 გაიხსნას. ამ კატეგორიის საქმეებში გვყავს დაახლოებით 80 ეჭვმიტანილი, 80 ადამიანი, რომელთა დევნაც შეგვიძლია კანონის შესაბამისად დავიწყოთ." - განაცხადა უკრაინის გენერალურმა პროკურორმა ირინა ვენედიქტოვამ.

უკრაინაში სამი რუსი უკვე გაასამართლეს სამხედრო დანაშაულისთვის. სამშაბათს ალექსანდრე ბობიკინს და ალექსანდრე ივანოვს 11,5 წლით თავისუფლების აღკვეთა მიუსაჯეს ომის კანონებისა და წეს-ჩვეულებების დარღვევისთვის. გამოძიების ინფორმაციით, მათ დაბომბეს ხარკოვის მშვიდობიანი ტერიტორიები რუსეთის შემოჭრის პირველ დღეს. ორივემ დანაშაული აღიარა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს