რუსეთის სახმედრო ქვედანაყოფები ლუგანსკის ოლქის ქალაქ სევეროდონეცკში შევიდნენ,- აღნიშნულის შესახებ ინფორმაციას ოქლის სამხედრო ადმინისტრაციის ხელმძღვანელი სერგეი გაიდაი Telegram-ით ავრცელებს.

გაიდაის თქმით, მოკლულია 2 მოქალაქე, ხოლო 5 კი დაიჭრა. მტერმა ყველა შესაძლო იარაღი გამოიყენა.

„მტერმა გამოიყენა ყველა შესაძლო იარაღი, იყენებს თვითმფრინავებს. თუმცა, ჩვენი სამხედროები მტკიცედ იცავენ პოზიციებს, რათა მტერმა ქვეყანაში შესვლა ვერ შეძლოს. რუსულმა ჭურვებმა სევეროდონის ორი მცხოვრების სიცოცხლე შეიწირა, ხუთი კი დაიჭრა. მათი უმეტესობა ქალაქის ძველი ნაწილის ერთი კორპუსის მცხოვრებია. ეზოში საჭმელს ამზადებდნენ, რომ მოულოდნელად დაბომბვა დაიწყო. სიროტინის ორი მცხოვრები მძიმედ დაშავდა. ყველა დაშავებულმა მიიღო დახმარება და უკვე დონეცკის რეგიონის საავადმყოფოებში იმყოფებიან“,- წერს გაიდაი.

შეგახსენებთ, რომ  24 თებერვლიდან რუსეთი აწარმოებს „სპეციალურ სამხედრო ოპერაციას“ უკრაინის დემილიტარიზაციისა და დენაციფიკაციის მიზნით. ვლადიმერ პუტინმა მის მიზანს უწოდა "ადამიანების დაცვა, რომლებიც რვა წლის განმავლობაში ექვემდებარებოდნენ ბულინგსა და გენოციდს კიევის რეჟიმის მიერ".

რუსეთის მტკიცებით, შეიარაღებული ძალები მხოლოდ სამხედრო ინფრასტრუქტურას და უკრაინულ ჯარებს ურტყამენ. ამასთან თავდაცვის დეპარტამენტში ოპერაციის მთავარ მიზანს დონბასის გათავისუფლება უწოდებენ.

ავტორი: ექსპრესნიუსი,

სოციალური ქსელები

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს

პეტერ ფიშერი შიო III-ს სრულიად საქართველოს კათოლიკოს-პატრიარქად არჩევას ულოცავს

შეიძინე კრიპტო თიბისის მობაილბანკში და მიიღე შანსი, დასაჩუქრდე YE, Kanye West-ის კონცერტის ბილეთებით