უვალდში, ტეხასის შტატში, დაწყებით სკოლაში მასობრივი სროლის შედეგად დაღუპულთა ხსოვნის პანაშვიდი გაიმართა.
თავდასხმა წინა ღამეს პისტოლეტითა და თოფით შეიარაღებულმა 18 წლის სალვადორ რამოსმა განახორციელა. დაკავებისას ის ლიკვიდირებული იქნა. სროლას 19 ბავშვი და ორი მასწავლებელი ემსხვერპლა.
სკოლაში წასვლამდე რამოსმა ბებიას ესროლა. ახლა ის ერთ-ერთ საავადმყოფოში მძიმე მდგომარეობაშია. ტეხასის სკოლაში სროლა ყველაზე მასიური იყო ბოლო 10 წლის განმავლობაში მსხვერპლის რაოდენობით.

პრეზიდენტი ჯო ბაიდენი, რომელმაც ქვეყანაში იარაღის ლობისთვის წინააღმდეგობის გაწევისკენ მოუწოდა, გეგმავს ტეხასის მონახულებას და დაღუპულთა ოჯახებს შეხვდეს.
ჯო ბაიდენი, აშშ-ს პრეზიდენტი:

„იდეა, რომ 18 წლის მოზარდს შეუძლია შევიდეს მაღაზიაში და იყიდოს მკვლელობისთვის შექმნილი და გაყიდული სამხედრო იარაღი, ვფიქრობ, უბრალოდ არასწორია, საღი აზრის დარღვევა.[...] სად არის ხერხემალი? სად არის გამბედაობა, რომ წინააღმდეგობა გაუწიო ძალიან ძლიერ ლობს? .[...] ჩვენ დღეს აქ ვართ შეკრებილები ერთი მიზნით - ერთად ვთქვათ „კმარა“. ჩვენ უნდა ვიმოქმედოთ.

პრეზიდენტის ბრძანებულებით, დაღუპულთა ხსოვნის პატივსაცემად დროშები მთელი ქვეყნის მასშტაბით არის დაშვებული.
შოუბიზნესის ვარსკვლავებმაც ისაუბრეს ტრაგედიაზე, ყველაზე პოპულარული იყო უვალდეს მკვიდრის, მსახიობის მეთიუ მაკკონაჰის პოსტი, რომელშიც მან ამერიკელებს ერის გადასარჩენად გაერთიანებისკენ მოუწოდა.

Boston Celtics-მა და Miami Heat-მა ასევე პატივი მიაგეს მსხვერპლებს წუთიერი დუმილით აღმოსავლეთ კონფერენციის ფინალის მე-5 თამაშის დაწყებამდე.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება