დიდი ბრიტანეთის მთავრობის მიერ მარტში მიღებული გადაწყვეტილების საპასუხოდ, რუსეთის ფედერაციამ ბრიტანეთის პარლამენტის ლორდთა პალატის 154 წევრის მიმართ შეწღუდვები შემოიღო. აღნიშნულის შესახებ ინფორმაციას რუსეთის საგარეო საქმეთა სამინისტრო ავრცელებს.

„დიდი ბრიტანეთის მთავრობის მიერ მარტში მიღებული გადაწყვეტილების საპასუხოდ, რომ სანქციების სიაში შეიტანოს რუსეთის ფედერაციის ფედერალური ასამბლეის ფედერაციის საბჭოს თითქმის მთელი შემადგენლობა, ნაცვალგების საფუძველზე, ბრიტანეთის პარლამენტის ლორდთა პალატის 154 წევრის მიმართ შემოღებულია პირადი შეზღუდვები“,- აღნიშნულია სამინისტროს განცხადებაში.

ამასთან რუსეთის საგარეო საქმეთა სამინისტრომ განაცხადა, რომ ამ 154-მა ადამიანმა პირდაპირი წვლილი შეიტანა ლონდონის ანტირუსული სანქციების შემუშავებაში, რომლებიც მიზნად რუსეთის პოლიტიკური იზოლაციას და მისი ეკონომიკის განადგურების პირობების შექმნას ისახავს.

„გამოიყენეს თავიანთი უფლებამოსილება ანტირუსული მოქმედებების გასაძლიერებლად. ისტერია დიდ ბრიტანეთში, რომელიც გამოწვეული იყო ბრიტანეთის კონსერვატიული მთავრობის რუსოფობიურ პოლიტიკურ კურსზე.“- ვკითხულობთ განცხადებაში.

გარდა ამისა, სამინისტრომ ასევე პირობა დადო, რომ გააგრძელებს სიების შედგენას დასავლური პირადი სანქციების იმიტაციით.

ავტორი: თეონა დორეული, ექსპრესნიუსის რეპორტიორი 2018 წლიდან

სოციალური ქსელები

აქციის მონაწილეებმა გმირთა მოედანზე ფიცი დადეს, რომ ხელისუფლებას „უცხოური გავლენის გამჭვირვალობის შესახებ“ კანონს არ მიაღებინებენ

დედაქალაქში საპროტესტო აქცია კვლავ გრძელდება - მოქალაქეებმა გზის სავალი ნაწილი კვლავ გადაკეტეს [ვიდეო]

სტოლტენბერგი - ნატოს ქვეყნები უკრაინაში მეტი საჰაერო თავდაცვის სისტემების გაგზავნაზე შეთანხმდნენ

სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება