უკრაინაში რუსეთის მიერ წარმოებული ომის გამო ლიეტუვა უარს ამბობს რუსულ ნავთბა და გაზზე, ამის შესახებ ენერგეტიკის მინისტრმა დაინიუს კრეივისმა განაცხადა.

ენერგეტიკის სამინისტროს განცხადებით, კვირიდან ლიეტუვაში არ იქნება რუსული გაზი, ნავთობი, ელექტროენერგია, „ეს არის ძალიან მნიშვნელოვანი ეტაპი არა მხოლოდ ლიუტევის ენერგეტიკული დამოუკიდებლობისკენ მიმავალ გზაზე.“

გარდა ამისა, კრეივისმა აღნიშნა, რომ ლიეტუვა სრულ ენერგეტიკულ დამოუკიდებლობას მიაღწევს მაშინ, როდესაც წარმატებით დაასრულებს სინქრონიზაციას და ელექტროენერგიის საჭიროებებს ადგილობრივი მწვანე ენერგიით დაფარვას და გახდება ექსპორტიორი სახელმწიფო.

„ეს არის ჩვენი სოლიდარობის გამოხატულება მეომარ უკრაინასთან, ჩვენ არ შეგვიძლია დავუშვათ, რომ რუსული სამხედრო მანქანა ჩვენი ფულით დაფინანსდეს, - განაცხადა ენერგეტიკის მინისტრმა.

შეგახსენებთ, რომ 24 თებერვალს, რუსეთის ფედერაცია დილით უკრაინაში შეიჭრა, რასაც „სპეციალური სამხედრო ოპერაცია" უწოდა. რის შემდეგაც დასავლეთის მთელმა რიგმა ქვეყნებმა, კერძოდ კი შეერთებულმა შტატებმა და ევროკავშირის წევრმა ქვეყნებმა გადაწყვიტეს უკრაინას, რუსეთის წინააღმდეგ ახალი სანქციების დააწესებითა და იარაღის მიწოდებით დახმარებოდნენ.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება