სარდლობა აზოვსტალის ქარხანაში რჩება, გარკვეული ოპერაცია მიმდინარეობს. ამის შესახებ აზოვის პოლკის მეთაურის მოადგილემ, კაპიტანმა სვიატოსლავ პალამარმა (კალინა) სახალხო მოადგილის ალექსეი გონჩარენკოს მიერ გამოქვეყნებულ ვიდეომიმართვაში განაცხადა.

პალამარმა მადლობა გადაუხადა მსოფლიოს და უკრაინას მხარდაჭერისთვის.

"მე და სარდლობა აზოვსტალის ქარხნის ტერიტორიაზე ვართ განლაგებული, მიმდინარეობს გარკვეული ოპერაცია, რომლის დეტალებს არ ვამხელ", - განაცხადა მან.

რუსული მედიის მიერ გავრცელებული ინფორმაციით,  პალამარი თითქოს "ჩაბარდა" ტყვეობაში.

როგორც ცნობილია, 11 მაისს ვიცე-პრემიერმა ირინა ვერეშჩუკმა განაცხადა, რომ აზოვსტალის ტერიტორიაზე შესაძლოა ათასი მებრძოლი იყოს, რომელთაგან ნახევარი მძიმედ დაიჭრა.17 მაისს Reuters-მა, თვითმხილველებზე დაყრდნობით, დაწერა, რომ  სულ მცირე შვიდმა ავტობუსმა დატოვა აზოვსტალი . ჟურნალისტების ინფორმაციით, გამოყვანილი ჯარისკაცები არ დაშავებულან.

ავტორი: ექსპრესნიუსი,

სოციალური ქსელები

ყველა ტელეარხმა ტრამპის ბოიკოტი გამოაცხადა

ირლანდიიდან საქართველოს 43 მოქალაქე დეპორტირებულია

ღარიბაშვილის ახალი წერილი - ჩემი პატიმრობა პირველივე დღიდან პოლიტიკურია

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია