ნატო-ს ალიანსს არ გამოუთქვამს ინტერესი ფინეთში ბირთვული იარაღის ან მუდმივი ბაზების განთავსების შესახებ, განაცხადა ფინეთის პრემიერ-მინისტრმა სანა მარინმა.

მარინმა აღნიშნა, რომ თურქეთის წინააღმდეგობის დაძლევა, ნატო-ში გაწევრიანებასთან დაკავშირებით, დისკუსიების ფორმატში უნდა გადაიჭრას.

„არც კი არსებობს ინტერესი (ნატოში) ბირთვული იარაღის ან ბაზების განთავსებით ფინეთში. ვფიქრობ, ამ ეტაპზე მნიშვნელოვანია სიმშვიდის შენარჩუნება, დისკუსიების გამართვა თურქეთთან და ყველა სხვა წევრ ქვეყანასთან, კითხვებზე პასუხის გაცემა და გაუგებრობების გამოსწორება“, - განუცხადა მარინმა გაზეთს. 

მეზობელი შვედეთის პრემიერ-მინისტრმა მაგდალენა ანდერსონმა, რომელიც ფინეთის მსგავსად ითხოვს ნატო-ში გაწევრიანებას, განაცხადა, რომ მის ქვეყანას არ სურდა ნატოს მუდმივი ბაზები ან ბირთვული იარაღი მის ტერიტორიაზე.

თურქეთმა რომელიც, ნატო-ს წევრი ქვეყანაა 1952 წლიდან, გამოთქვა ფინეთისა და შვედეთის წევრობასთან დაკავშირებით მოულოდნელი წინააღმდეგობა გამოთქვა და დაადანაშაულა სკანდინავიური მეზობლები ტერორისტული დაჯგუფებებისთვის თავშესაფარის მიცემაში. ანკარამ ასევე მოიხსენია ქვეყნების მიერ დაწესებული იარაღის ექსპორტის ემბარგო თურქეთზე 2019 წელს  სირიაში შეჭრის შემდეგ.

ფინეთის პრეზიდენტი საული ნიინისტო და შვედეთის პრემიერ მინისტრი ანდერსონი სავარაუდოდ ხუთშაბათს ვაშინგტონში აშშ-ის პრეზიდენტს ჯო ბაიდენს შეხვდებიან.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება