გერმანიის საგარეო საქმეთა მინისტრი, ანნალენა ბერბოკი, უკრაინაში ჩავიდა და გენერალურ პროკურ ირინა ვენედიქტოვას შეხვდა. ბერბოკი გერმანიის მთავრობის უმაღლესი რანგის წარმომადგენელია, რომელიც ქვეყანას რუსეთის შემოჭრის დაწყების შემდეგ ეწვია.

მედიის ცნობით,გერმანიის საგარეო საქმეთა მინისტრი კიევის მახლობლად მდებარე ქალაქ ბუჩას ეწვია . ვიზიტის შესახებ წინასწარ არ იყო ცნობილი. 

"საგარეო საქმეთა მინისტრის  პირველი გაჩერება კიევის მახლობლად მდებარე ქალაქი ბუჩა იყო. ბაერბოკი ადგილობრივ მოსახლეობას შეხვდა."- წერს უცხოური მედია.

ვიზიტამდე ბერბოკმა განაცხადა, რომ გერმანია უკრაინისა და მთელი ევროპის  დაცვაზე პასუხისმგებელია  , რაც ცხადი უნდა იყოს რუსეთისთვის. ამავე დროს, მან ხაზი გაუსვა, რომ მთავრობამ უნდა მიიღოს გადაწყვეტილებები იმის მიხედვით, თუ როგორ იმოქმედებს ეს გერმანიისა და მისი მოქალაქეების კეთილდღეობაზე. მან დასძინა, რომ კიევისთვის იარაღის მიწოდება აუცილებელი ღონისძიებაა საომარი მოქმედებების შესაჩერებლად.

შეგახსენებთ, რომ მოსკოვი უარყოფს ბუჩაში რაიმე დანაშაულის ჩადენას, მიუხედავად იმისა, რომ ასობით უკრაინელი მოკლეს, როდესაც ქალაქი რუსეთის კონტროლის ქვეშ იყო ერთი თვის განმავლობაში. ქალაქის განთავისუფლების შემდეგ ეკლესიაში მასობრივი საფლავი აღმოაჩინეს. 

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება