ბულგარეთი უნგრეთისა და სლოვაკეთის მსგავსად, ევროკავშირის მიერ რუსულ ნავთობზე დაწესებული ემბარგოსგან გათავისუფლებას ითხოვს. ამის შესახებ ბულგარეთის ვიცე-პრემიერმა ასენ ვასილიევმა განაცხადა.

ზღვაზე გასასვლელის არ მქონე უნგრეთი, სლოვაკეთი და ჩეხეთი, რომლებიც დიდად არიან დამოკიდებულნი რუსულ ნავთობზე, ალტერნატიული წყაროების უზრუნველსაყოფად იბრძვიან და მათთვის ნავთობის ემბარგოს გაუქმებას ითხოვენ. ბულგარეთი ასევე ითხოვს გამონაკლისის დაშვებას.

ვიცე-პრემიერის თქმით, ევროკავშირის მთავრობები მიუახლოვდნენ რუსეთის წინააღმდეგ მკაცრი სანქციების შეთანხმებას, უკრაინაში შეჭრის გამო.

„მოლაპარაკებები გაგრძელდება ხვალ, სამშაბათს ასევე და შეიძლება საჭირო გახდეს ლიდერების შეხვედრა მათ დასასრულებლად. ჩვენი პოზიცია ძალიან მკაფიოა. თუ გამონაკლისი იქნება ზოგიერთი ქვეყნისთვის, ჩვენც გვინდა მივიღოთ. თუ არ მივიღებთ, არ დავუჭერთ მხარს სანქციებს, მაგრამ მე არ ველოდები, რომ საქმე აქამდე მივა, მიმდინარე მოლაპარაკებებიდან გამომდინარე“, - განაცხადა ვასილიევმა.

შეგახსენებთ, რომ მანამდე ევროკომისიის პრეზიდენტმა უკვე წარადგინა რუსეთის წინააღმდეგ სანქციების მეექვსე პაკეტის დეტალები უკრაინის წინააღმდეგ აგრესიის გამო, რომელიც ითვალისწინებს, რომ რუსეთის ფედერაციიდან ნედლი ნავთობის მიწოდება შეჩერდება ექვსი თვის განმავლობაში, ხოლო რაფინირებული პროდუქციის მიწოდება - წლის ბოლომდე.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება