უნგრეთს არ შეუძლია მხარი დაუჭიროს ევროკავშირის ახალი სანქციების პაკეტს, რომელიც მოიცავს ემბარგოს ნავთობის იმპორტზე, მისი დღევანდელი ფორმით,- ამის შესახებ უნგერთის პრემიერ-მინისტრმა ვიქტორ ორბანმა განაცხადა.

პრემიერმა აღნიშნა, რომ ევროკომისიის ამჟამინდელი წინადადება რუსული ნავთობის იმპორტის აკრძალვის შესახებ უნგრეთის ეკონომიკაზე ჩამოგდებული „ატომური ბომბი“ იქნება. ამასთან უნგრეთი მზადაა მოლაპარაკებისთვის, თუ დაინახავს ისეთ წინადადებას, რომელიც მის ინტერესებს დააკმაყოფილებს.

„ჩვენ ზუსტად ვიცით, რა გვჭირდება, პირველ რიგში, 5 წელი, რომ ეს პროცესი დასრულდეს. 1-1,5 წელი არაფრისთვის არ არის საკმარისი“, - განაცხადა ორბანმა.

გარდა ამისა, პრემიერმა განაცხადა, რომ უნგრეთს ასევე დასჭირდება უზარმაზარი ინვესტიციები გადამამუშავებელ ქარხნებში და გადაზიდვის სისტემა, არარუსული ნავთობის იმპორტის დასაშვებად.

„მე არ მინდა ევროკავშირთან დაპირისპირება, არამედ თანამშრომლობა. მაგრამ ეს შესაძლებელია მხოლოდ იმ შემთხვევაში, თუ ისინი გაითვალისწინებენ ჩვენს ინტერესებს,“- დასძინა პრემიერმა.

შეგახსენებთ, რომ მანამდე უნგრეთმა უკვე განაცხადა, რომ ევროკავშირის მხრიდან რუსული ნავთობის აკრძალვას მხარს არ დაუჭერდა და ემბარგოს დაწესების  შემთხვევაში სრულად განადგურდებებოდა.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება