იუსტიციის მინისტრი რატი ბრეგაძე  ზოგიერთი პოლიტიკოსის მიერ მიხეილ სააკაშვილის ჯანმრთელობის მდგომარეობის უკიდურესად გაუარესების შესახებ გავრცელებულ განცხადებებს გამოეხმაურა. - ამის შესახებ ინფორმაციას იუსტიციის მინისტრი ავრცელებს.

მათივე თქმით, იუსტიციის მინისტრი აცხადებს, რომ მსგავს ინფორმაციას პოლიტიკურად ანგაჟირებული სუბიექტები ავრცელებენ და ამ საქციელით ისინი პოლიტიკურ მოროდიორობას ეწევიან.

„არსებობენ გარკვეული პოლიტიკურად ანგაჟირებული სუბიექტები, რომლებიც ცდილობენ სააკაშვილის ჯანმრთელობის მდგომარეობით მანიპულირებას. შესაძლოა, მათ საერთოდ არ აინტერესებდეთ, როგორ გრძნობს ეს ადამიანი თავს. ეს არის ძალიან სამწუხარო. როდესაც საზოგადოებაში გამოდის პოლიტიკოსი, რომელიც საუბრობს, რომ ჯანმრთელობის მდგომარეობა არის უკიდურესად მძიმე, დათვლილია ბოლო წუთები, ბოლო წამები და ასე შემდეგ,  რა თქმა უნდა, ეს როგორც ახლობლებში და, მითუმეტეს, ოჯახის წევრებში, გამოიწვევს გარკვეულ მღელვარებას. სწორედ ამიტომ  ეს საქციელი არის მიუღებელი როგორც ადამიანური თვალსაზრისით, ისე დაუშვებელია, თუნდაც, სახელმწიფო უსაფრთხოების თვალსაზრისით. იმიტომ, რომ როდესაც გარკვეული პოლიტიკური ძალა ცდილობს, რომ ჯანმრთელობის მანიპულაციური გამოყენებით გამოიწვიოს საზოგადოებაში მღელვარება იმისთვის, რომ კიდევ ჩაიწეროს პოლიტიკური ქულები და შემდგომში მთელი ეს ხალხი გამოიყენოს საკუთარი პოლიტიკური მიზნებისთვის, ეს ყველაფერი სხვა არაფერია,  თუ არა პოლიტიკური მოროდიორობა", –- განაცხადა იუსტიციის მინისტრმა.

რატი ბრეგაძე გამოეხმაურა ლევან ბეჟაშვილის მიერ სააკაშვილის საზღვარგარეთ გადაყვანის აუცილებლობაზე გაკეთებულ განცხადებასაც და აღნიშნა, რომ მსგავსი საკითხი არა პოლიტიკოსის, არამედ ექიმის გადასაწყვეტია; ექიმებს კი, სააკაშვილის საზღვარგარეთ გადაყვანის აუცილებლობაზე  არ უსაუბრიათ.

„როდესაც საუბრობენ საზღვარგარეთ გადაყვანაზე, ეს არ არის არც ბატონი ბეჟაშვილის და არც სხვა პოლიტიკოსის საქმე. ექიმები და, მათ შორის, სახალხო დამცველის ჯგუფში შემავალი ექიმებიც კი, არ საუბრობენ  იმაზე, რომ აუცილებელია საზღვარგარეთ გადაყვანა. საქართველოში იკურნება ძალიან ბევრი დაავადება და უამრავი ადამიანი. ამიტომ სწორედ ეს არის პოლიტიკური მიზანი, რომელიც ემსახურება არა განკურნებას, არამედ გარკვეული პოლიტიკური მიზნის მიღწევას,  რასაც  მიზნად ისახავს ეს ხალხი. მოდი, ამიტომ ჯერ ვკითხოთ ექიმებს და მერე გადავწყვიტოთ, თუ რა ტიპის სამედიცინო ღონისძიებები უნდა გატარდეს ამ ადამიანის მიმართ", – განაცხადა რატი ბრეგაძემ ტელეკომპანია „იმედის" პირდაპირ ეთერში.

ავტორი: NS (სტატია დაფინანსებულია),

სოციალური ქსელები

ჩერგოლეიშვილი პარტიების აკრძალვის სარჩელზე- - რაც არ უნდა გადაწყვიტოს, ივანიშვილმა ყველაფერს ავტოკრატიის დასანგრევად გამოვიყენებთ

ნაციონალური მოძრაობა პარტიების აკრძალვის სარჩელზე- რუსულ საოკუპაციო რეჟიმს თავს არ დავუხრით

ცისტური ფიბროზის სამკურნალო ინოვაციური მედიკამენტი „ტრიკაფტა“ საქართველოშია

ზელენსკის მრჩეველმა განაცხადა, რომ SpaceX-მა უკრაინაში Starlink-ის ოპერაციები გაფრთხილების გარეშე შეზღუდა