ხვალ,19:00 საათზე საქართველოს მესამე პრეზიდენტის ოჯახი მთავრობის ადმინისტრაციასთან აქციას გამართავს. ამის შესახებ მიხეილ სააკაშვილის ძმამ ჟურნალისტებს განუცხადა. 

გიორგი სააკაშვილის თქმით, აქცია იქნება იმისთვის, რომ საქართველოს ხელისუფლებას გააგონონ ხმა და გადაარჩინონ ექსპრეზიდენტის სიცოცხლე. 

"მივმართავ საქართველოს ხელისუფლებას, გონს მოეგეთ, აღარ არის დრო მოვექცეთ ასე საქართველოს ყოფილ პრეზიდენტს, რომელსაც ძალიან დიდი წვლილი მიუძღვის საქართველოს წინსვლაში და შენებაში, ამიტომ, ჩვენ ოჯახმა, გადავწყვიტეთ, ხვალ, კანცელარიასთან, საღამოს 7 საათზე, ვაორგანიზებთ აქციას, რომელიც იქნება, იმისთვის, რომ გავაგონოთ საქართველოს ხელისუფლებას საქართველოს მოსახლეობის ხმა, მივმართავ ასევე ემიგრანტებს, საქართველოს თითოეულ მოქალაქეს, დაგვიდგნენ გვერდზე შეძლებისდაგვარად, ეს არის ჩვენი ბოლო შანსი, რომ გადავარჩინოთ ადამიანის სიცოცხლე", - განაცხადა გიორგი სააკაშვილმა.

ცნობისთვის, სახალხო დამცველის მიერ შექმნილ ექსპერტთა ჯგუფი, მიხეილ სააკაშვილის სამედიცინო მდგომარეობის მონიტორინგის მორიგ შედეგები გამოაქვეყნა, სადაც ნათქვამი იყო, რომ ბოლო ვიზიტთან შედარებით, პაციენტის მდგომარეობა დამატებით მნიშნელოვნადაა გაუარესებული.

ამ განცხადებიდან მალევე, მიხეილ სააკაშვილის ოჯახმა უწყვეტი აქციები დაანონსა.
მათივე თქმით, ოჯახი აპირებს ესაუბროს ექიმებს, საპატრიარქოს, არასამთავრობო ორგანიზაციებსა და სამოქალაოქ საზოგადოებას, რათა "გადაარჩინონ ექსპრეზიდენტის სიცოცხლე". 

ავტორი: ექსპრესნიუსი,

სოციალური ქსელები

ჩერგოლეიშვილი პარტიების აკრძალვის სარჩელზე- - რაც არ უნდა გადაწყვიტოს, ივანიშვილმა ყველაფერს ავტოკრატიის დასანგრევად გამოვიყენებთ

ნაციონალური მოძრაობა პარტიების აკრძალვის სარჩელზე- რუსულ საოკუპაციო რეჟიმს თავს არ დავუხრით

ცისტური ფიბროზის სამკურნალო ინოვაციური მედიკამენტი „ტრიკაფტა“ საქართველოშია

ზელენსკის მრჩეველმა განაცხადა, რომ SpaceX-მა უკრაინაში Starlink-ის ოპერაციები გაფრთხილების გარეშე შეზღუდა