რომის პაპი ფრანცისკე აცხადებს, რომ რუსეთის პრეზიდენტ  ვლადიმერ პუტინს უკრაინაში ომის შეწყვეტაზე სასაუბროდ შეხვედრა სთხოვა, მაგრამ პასუხი არ მიუღია.

პაპმა იტალიურ გაზეთ Corriere Della Sera-თან საუბრისას აღნიშნა, რომ  რუსეთის მართლმადიდებლური ეკლესიის პატრიარქ კირილს ესაუბრა, რომელმაც ომს სრული მხარდაჭერა გამოუცხადა.  

 „ომის დაწყებიდან, დაახლოებით სამი კვირის შემდეგ  ვატიკანის უმაღლეს დიპლომატს ვთხოვე პუტინისთვის მესიჯი გაეგზავნა, რომ მოსკოვში ვიზიტის სურვილი მქონდა. რა თქმა უნდა, აუცილებელი იყო კრემლის ლიდერთან საუბრის დაშვება. პასუხი ჯერ არ მიგვიღია. ვშიშობ, რომ პუტინს არ შეუძლია და არ სურს ამ შეხვედრის ჩატარება ამ დროს.არ არის საკმარისი ნება მშვიდობისთვის. პესიმისტურად ვარ განწყობილი, მაგრამ უნდა გავაკეთოთ ყველაფერი რაც შესაძლებელია ომის დასასრულებლად, ”- განაცხადა რომის პაპმა.

 შეგახსენებთ, რომ რომის პაპმა ფრანცისკემ ვატიკანის წმინდა პეტრეს მოედანზე შუადღის ქადაგებისას უკრაინის ომს "კაცობრიობის საშინელი უკუსვლა" უწოდა, რის გამოც ის "იტანჯება და ტირის".
პაპმა მარიუპოლის დაბომბვასა და განადგურებას უწოდა ბარბაროსობა და მოუწოდა ჰუმანიტარული დერეფნის შექმნას აზოვსტალში მყოფთათვის.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება