უკრაინის  სამხედრო ძალებმა პარტნიორი ქვეყნებისგან S-300 საზენიტო სარაკეტო სისტემა მიიღეს  -  საჰაერო თავდაცვის სისტემა უკვე ასრულებს საბრძოლო მისიებს სამხრეთის რეგიონში. ამის შესახებ ინფორმაციას უკრაინის შეიარაღებული ძალების საჰაერო სარდლობა ავრცელებს.

მათი თქმით, მიღებული სარაკეტო სისტემა დაეხმარება უკრაინას დახუროს ცა და დაიცვას თავი საჰაერო დარტყმებისგან.

 „ჩვენ ვაგრძელებთ ცის დახურვას რუსული საფრთხისგან. პარტნიორი ქვეყნებისგან მიღებულმა  საჰაერო თავდაცვის S-300  სისტემამ მნიშვნელოვნად გააძლიერა საჰაერო თავდაცვა სამხრეთ რეგიონში.  სისტემა უკვე საბრძოლო მისიებში გამოიყენება“,- ნათქვამია უკრაინის შეიარაღებული ძლების მიერ გავრცელებულ განცხადებაში.

 შეგახსენებთ, რომ უკრაინისთვის საჰაერო თავდაცვის S-300 სისტემის გადაცემის შესახებ,  8 აპრილს სლოვაკეთის პრემიერ-მინისტრმა, ედუარდ ჰეგერმა, განაცხადა.

ავტორი: ექსპრესნიუსი,

სოციალური ქსელები

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია

ისარგებლეთ საქართველოს ბანკის საკრედიტო Amex-ის შეთავაზებით ოთხ სავაჭრო ცენტრში

Euromoney-მ თიბისი საუკეთესო კორპორატიულ ბანკად მესამედ დაასახელა

ხაშურობისთვის მერიამ ზაზა ნოზაძე გარეპავს- ბიუჯეტიდან კონცერტის ორგანიზატორს 93 000 ლარს გადაუხდიან