დასავლეთის ქვეყნები ღიად მოუწოდებენ უკრაინას, შეუტიოს რუსეთის ტერიტორიას იმ იარაღის გამოყენებით, რომელსაც ისინი აწვდიან კიევს, ასეთი დანაშაულებრივი ქმედება კი რუსეთის ტერიტორიის წინააღმდეგ არ შეიძლება უპასუხოდ დარჩეს- ამის შესახებ რუსეთის საგარეო საქმეთა სამინისტროს პრესსპიკერმა მარია ზახაროვამ ბრიფინგზე განაცხადა.

ზახაროვამ აღნიშნა, რომ უკრაინელი სამხედროების ასეთი დანაშაულებრივი ქმედება რუსეთის ტერიტორიის წინააღმდეგ არ შეიძლება უპასუხოდ დარჩეს. კიევმა და დასავლეთის დედაქალაქებმა სერიოზულად უნდა მიიღონ ქვეყნის თავდაცვის სამინისტროს განცხადებები და რომ შემდგომი უკრაინული პროვოკაციები რუსეთის ობიექტებზე დარტყმის მიზნით, აუცილებლად გამოიწვევს რუსეთის მკაცრ პასუხს.

„უკრაინელი სამხედროების ასეთი დანაშაულებრივი ქმედება რუსეთის ტერიტორიის წინააღმდეგ არ შეიძლება უპასუხოდ დარჩეს. მინდა, რომ კიევმა და დასავლეთის დედაქალაქებმა სერიოზულად მიიღონ ჩვენი ქვეყნის თავდაცვის სამინისტროს განცხადებები, რომ შემდგომი უკრაინული პროვოკაციები რუსეთის ობიექტებზე დარტყმის მიზნით, აუცილებლად გამოიწვევს რუსეთის მკაცრ პასუხს“, - აღნიშნა ზახაროვამ.

პრესსპიკერმა ასევე აღნიშნა, რომ ბოლო რამდენიმე კვირის განმავლობაში უკრაინის შეიარაღებულმა ძალებმა დაბომბეს რუსეთის სასაზღვრო ტერიტორიები, რის შედეგადაც მსხვერპლი და ნგრევა მოხდა.

„ჩვენ უკვე გავაკეთეთ კომენტარი დიდი ბრიტანეთის თავდაცვის მინისტრის მოადგილის  ჯეიმს ჰიპიის განცხადებებზე რუსეთის სამხედრო ობიექტებზე უკრაინის თავდასხმების შეწყვეტის შესახებ, სხვა სიტყვებით რომ ვთქვათ, დასავლეთი ღიად მოუწოდებს კიევს, შეუტიოს რუსეთს, თუნდაც ნატოს ქვეყნებიდან მიღებული იარაღით,“- დასძინა მარია ზახაროვამ.

ავტორი: ექსპრესნიუსი,

სოციალური ქსელები

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია

ისარგებლეთ საქართველოს ბანკის საკრედიტო Amex-ის შეთავაზებით ოთხ სავაჭრო ცენტრში

Euromoney-მ თიბისი საუკეთესო კორპორატიულ ბანკად მესამედ დაასახელა

ხაშურობისთვის მერიამ ზაზა ნოზაძე გარეპავს- ბიუჯეტიდან კონცერტის ორგანიზატორს 93 000 ლარს გადაუხდიან