რუსულმა ენერგოკომპანიამ „გაზპრომმა“ ბულგარულ „ბულგარგაზსა“ და პოლონურ PGNiG-ს გაზის მიწოდება მას შემდეგ შეუწყვიტა, რაც მათ უარი განაცხადეს გაზის საფასურის რუბლით გადახდაზე,- ამის შესახებ ინფორმაციას „გაზპრომის“ პრესსამსახური ავრცელებს.

კომპანიის ცნობით, კონტრაგენტებმა იცოდნენ, რომ 1 აპრილის შემდეგ რუსეთიდან მიწოდებულ გაზზე გადახდა რუბლით უნდა განეხორციელებინათ. თუმცა, 26 აპრილის საღამოს „გაზპრომ ექსპორტს“ თანხა არ მიუღია, რის გამოც კომპანიებს დღეიდან გაზი აღარ მიეწოდებათ.

„ბულგარეთი და პოლონეთი სატრანზიტო ქვეყნებია. რუსული გაზის სატრანზიტო მოცულობით მესამე ქვეყნებში გაზის არასანქცირებული გატანის შემთხვევაში, ტრანზიტის მიწოდება ამ მოცულობაზე შემცირდება, “ - განაცხადა გაზპრომმა.

გარდა ამისა, პოლონეთის მთავრობის წარმომადგენელმა სტრატეგიული ენერგეტიკული ინფრასტრუქტურის საკითხებში პიოტრ ნაიმსკიმ განაცხადა, რომ ვარშავა არ აპირებს გაზის გადახდას რუბლით და მზადაა შესაძლო რისკებისთვის.

შეგახსენებთ, რომ 1 აპრილს პრეზიდენტმა ვლადიმერ პუტინმა გასცა ბრძანება, რომ გაზის საფასურის გადახდა შესაძლებელი იქნება მხოლოდ რუბლით იმ ქვეყნებთან, რომლებიც მთავრობამ აღიარა, როგორც "არამეგობრული".

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება