გაეროს გენერალურმა მდივანმა ანტონიო გუტერეშმა წამოაყენა ინიციატივა, შეიქმნას საკონტაქტო ჯგუფი გაერო-ს, რუსეთისა და უკრაინის ოფიციალური პირების შემადგენლობით ჰუმანიტარული საკითხების გადასაჭრელად,- ამის შესახებ მან მოსკოვში გამართულ პრესკონფერენციაზე განაცხადა.

გუტერეშმის თქმით, ათასობით მშვიდობიანი მოქალაქე საჭიროებს ჰუმანიტარულ დახმარებას. ორგანიზაცია მზადაა მოახდინოს თავისი ადამიანური და ლოგისტიკური რესურსების მობილიზება მარიუპოლში ხალხის გადასარჩენად.

„საჭიროა ჰუმანიტარული დერეფნები, რომლებიც უსაფრთხო და ეფექტურია. დერეფნები, რომლებსაც მშვიდობიანი მოსახლეობის ევაკუაციისთვის და საჭირო დახმარების მიწოდებისთვის გამოიყენებს. ამ მიზნით მე შევთავაზე ჰუმანიტარული საკონტაქტო ჯგუფის შექმნა, რომელიც გაერო-ს, რუსეთსა და უკრაინას გააერთიანებს, რათა მოძებნონ შესაძლებლობები, გახსნას უსაფრთხო დერეფნები ადგილობრივი ცეცხლის შეწყვეტით,“- განაცხადა გუტარეშმა.

შეგახსენებთ, რომ გუტერეშის მოსკოვში ვიზიტის შესახებ გასულ კვირას გახდა ცნობილი. რუსეთის ფედერაციის საგარეო საქმეთა მინისტრის მოადგილემ ანდრეი რუდენკომ დააზუსტა, რომ რუსული მხარე მასთან ერთად განიხილავს მარიუპოლსა და აზოვსტალთან დაკავშირებულ საკითხებს.

ხოლო ერთი დღით ადრე, რუსეთის ფედერაციის თავდაცვის სამინისტრომ გაავრცელა ინფორმაცია, რომ კიევის ხელისუფლებამ ჩაშალა ჰუმანიტარული ოპერაცია აზოვსტალის ქარხანაში. დეპარტამენტის ცნობით, ქარხანაში მყოფთაგან არცერთმა არ ისარგებლა ორშაბათს რუსეთის მიერ გახსნილი ჰუმანიტარული დერეფნით.

ავტორი: ექსპრესნიუსი,

სოციალური ქსელები

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია

ისარგებლეთ საქართველოს ბანკის საკრედიტო Amex-ის შეთავაზებით ოთხ სავაჭრო ცენტრში

Euromoney-მ თიბისი საუკეთესო კორპორატიულ ბანკად მესამედ დაასახელა

ხაშურობისთვის მერიამ ზაზა ნოზაძე გარეპავს- ბიუჯეტიდან კონცერტის ორგანიზატორს 93 000 ლარს გადაუხდიან