2022-04-15 10:03:00, 1465 ნახვა
ომი უკრაინაში
ბუჩას მერი: ქალაქში ნაპოვნი ცხედრების 85%-ს ნატყვიარი აქვს - ოკუპანტებმა განზრახ მკვლელობა ჩაიდინეს
ბუჩას მერის განცხადებით, ქალაქში ნაპოვნი ცხედრების 85%-ს ნატყვიარი აქვს. ამის შესახებ მან ტელემარათონის დროს ისაუბრა.
"ეს ნიშნავს, რომ ბუჩაში განზრახ მკვლელობა მოხდა", - თქვა ანატოლი ფედორუკმა.
მისი თქმით, ქალაქში აღმოჩენილი ცხედრები მორგებში იგზავნება და შესაბამისი პროცედურების შემდეგ, დასაკრძალად ახლობლებს გადასცემენ.
რუსი სამხედროებისგან გათავისუფლებულ ბუჩაში მშვიდობიანი მოქალაქეების ცხედრებს პოულობენ. გავრცელებულ ვიდეოებსა და ფოტოებში ჩანს, რომ მშვიდობიან გაკოჭილ მოქალაქეებს ქუჩაში კლავდნენ.
ავტორი: ექსპრესნიუსი,
epn.ge (@expressnews.ge)
