თუ შვედეთი და ფინეთი ნატო-ში გაწევრიანდებიან, რუსეთის ფედერაციასთან ალიანსის სახმელეთო საზღვრების სიგრძე გაორმაგდება. - ამის შესახებ რუსეთის უსაფრთხოების საბჭოს თავმჯდომარის მოადგილემ, დიმიტრი მედვედევმა განაცხადა.

მედვედევის თქმით, რუსეთს მოუწევს, სერიოზულად გააძლიეროს სახმელეთო ჯარების და საჰაერო თავდაცვის ჯგუფი.

„შვედეთი და ფინეთი ცხოველური სერიოზულობით განიხილავენ ნატოში გაწევრიანების შესაძლებლობას. თავად ალიანსი მზადაა მიიღოს ისინი ფაქტიურად „თეთრი ხელის ქვეშ“ - უმოკლეს დროში და მინიმალური ბიუროკრატიული პროცედურებით. ეს ნიშნავს, რომ რუსეთს უფრო მეტი ოფიციალურად დარეგისტრირებული მოწინააღმდეგე ეყოლება. როგორ უნდა ვუპასუხოთ ამას? პასუხი ნათელია: ემოციების გარეშე, ცივი თავით. რამდენი ქვეყანაა ნატო-ში - ოცდაათი თუ ოცდათორმეტი, მთლიანობაში ჩვენთვის არც ისე მნიშვნელოვანია. ორით ნაკლები, ორით მეტი - მათი მნიშვნელობითა და მოსახლეობით დიდი განსხვავება არ არის. სხვა საქმეა, რომ თუ შვედეთი და ფინეთი გაწევრიანდებიან ნატოში, რუსეთის ფედერაციასთან ალიანსის სახმელეთო საზღვრების სიგრძე გაორმაგდება. ბუნებრივია, ეს საზღვრები უნდა გაძლიერდეს.“ - თქვა მედვედევმა.

ამასთან მედვედევმა, დასძინა რომ, ჩრდილოელი მეზობლების გონებით იმოქმედებენ, რადგან შვედეთისა და ფინეთის საზოგადოებრივი აზრი ნატო-ში გაწევრიანების აუცილებლობის საკითხზე დაახლოებით ორადაა გაყოფილი. არცერთ საღად მოაზროვნე ადამიანს არ სურს უფრო მაღალი ფასები და გადასახადები, გაზრდილი დაძაბულობა საზღვრებთან, ისკანდერები, ჰიპერსონიკები და გემები, რომლებსაც ბირთვული იარაღი აქვთ.

ავტორი: ექსპრესნიუსი,

სოციალური ქსელები

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას