2022-04-11 11:43:40, 1302 ნახვა
მსოფლიო
დმიტრო კულება - რუსეთის ტროლების ქარხანამ უცხოური მედიისა და პოლიტიკოსთა წინააღმდეგ საინფორმაციო კამპანია წამოიწყო
მოსკოვმა მოამზადა მასობრივი საინფორმაციო კამპანია უცხოური მედიისა და პოლიტიკოსების წინააღმდეგ, - ამის შესახებ უკრაინის საგარეო საქმეთა მინისტრი, დმიტრო კულება Twitter-ზე წერს.
მისი თქმით, რუსეთის ტროლების ქარხანას შეუძლია ელექტრონული შეტყობინებებით უკრაინაზე დეზინფორმაცია გაავრცელოს.
"რუსეთმა იცის, რომ იარაღის მიწოდება უკრაინისთვის აუცილებელია და ამის შესაჩერებლად ყველა ძალისხმევას იყენებს. მოსკოვმა მოამზადა მასობრივი საინფორმაციო კამპანია უცხოური მედიისა და პოლიტიკოსების წინააღმდეგ. რუსეთის ტროლების ქარხანას შეუძლია ელ.წერილებითა და კომენტარებით დეზინფორმაციიაა გაავრცელონ უკრაინაზე. არ დაიჯეროთ!" - წერს კულება.
ავტორი: ექსპრესნიუსი,
epn.ge (@expressnews.ge)
