ევროკავშირი რუსთის წინააღმდეგ სანქციების ახალ, მეხუთე პაკეტს, რომელიც ნახშირის იმპორტის აკრძალვასაც გიულისხმობს, ხუთშაბათს ან პარასკევს დაამტკიცებს, - ამის შესახებ ევროკავშირის დიპლომატმა, ჯოზეფ ბორელმა განაცხადა. 

როგორც ჯოზეფ ბორელმა აღნიშნა, სანქციების მეხუთე პაკეტში ნავთობის ემბარგო არაა მოცემული, თუმცა  ევროკავშირი ამაზე ორშაბათს, 11 აპრილს იმსჯელებს. 

ცნობისთვის, ევროკავშირის მიერ რუსეთის წინააღმდეგ დასაწესებელი სანქციების მეხუთე პაკეტი მოიცავს:

• რუსეთიდან წელიწადში ოთხი მილიარდი ევროს ოდენობით ქვანახშირის იმპორტის აკრძალვა
• რუსეთის 4 მთავარ ბანკთან, მათ შორის VTB-სთან, ტრანზაქციების აკრძალვა
• ევროკავშირის პორტებში რუსეთისა და მის მიერ კონტროლირებადი გემების, ასევე  რუსეთის, ბელარუსის საავტომობილო გადამზიდავების შესვლის აკრძალვა
• 10 მილიარდი ევროს ღირებულების საექსპორტო შეზღუდვები მნიშვნელოვან სფეროებში
• 5,5 მილიარდი ევროს ღირებულების საიმპორტო აკრძალვები 
• ევროკავშირის სახელმწიფო შესყიდვებში რუსული კომპანიების მონაწილეობის აკრძალვა. ასევე, ევროკავშირის მხრიდან რუსეთის საჯარო ორგანოებისთვის ნებისმიერი ფინანსური მხარდაჭერის აკრძალვა. 

ავტორი: ექსპრესნიუსი,

სოციალური ქსელები

ორბანმა უნგრეთის პრემიერ-მინისტრის თანამდებობა დატოვა

ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს

ზურაბიშვილმა ევროკავშირის ელჩს დიუშენის მქონე ბავშვების დახმარების თხოვნით მიმართა

ევროპის დღესთან დაკავშირებით ქართული ახალგაზრდული ორგანიზაციები ევროკავშირის ინსტიტუტების ლიდერებს ღია წერილით მიმართავენ