რუსეთის წინააღმდეგ ნებისმიერი ბრალდება ბუჩაში შექმნილი ვითარების გამო არ არის მხოლოდ უსაფუძვლო, არამედ "კარგად დადგმული ტრაგიკული შოუ", - ასე ეხმიანება რუსეთის პრეზიდენტის სპიკერი დიმიტრი პესკოვი ბუჩაში მომხდარ ტრაგედიას. 

ბუჩაში შექმნილი ვითარების გამოძიების შესაძლებლობის კომენტირებისას მან აღნიშნა, რომ „აუცილებელია ვიფიქროთ იმაზე, თუ რამდენად არის შესაძლებელი ჭეშმარიტად მიუკერძოებელი, ნეიტრალური და მიუკერძოებელი გამოძიება. ჩვენ კვლავ დაჟინებით ვამტკიცებთ, რომ ნებისმიერი ბრალდება რუსული მხარის, რუსი სამხედროების მიმართ, ისინი არა მხოლოდ უსაფუძვლოა, არამედ ეს არის კარგად დადგმული შოუ, მეტი არაფერი, თუ არა ტრაგიკული შოუ“, - განაცხადა პესკოვმა.

მისივე თქმით, დასავლეთს სიმართლის მოსმენა არ უნდა, თუმცა მისივე თქმით, რუსი დიპლომატები აგრძელებენ გაერთიანებული ერების ორგანიზაციისთვის ინფორმაციის მიწოდების მცდელობებს.

 „მონაცემები იყო წარმოდგენილი, სხვა საქმეა, როგორც ჩანს, კოლექტიურმა დასავლეთმა უბრალოდ თვალ-ყური დახუჭა და არაფრის მოსმენა არ უნდა, ეს, სამწუხაროდ, რეალობაა, ჩვენ, ამის მიუხედავად, მაინც გვაქვს. მიზანშეწონილია, აქტიურად გავაძლიეროთ ჩვენი არგუმენტაცია“, - განმარტა პესკოვმა.

ცნობისთვის, რუსი დამპყრობლებისგან გათავისუფლებული კიევის ოლქის ტერიტორიიდან უკვე ნანახი და გადმოსვენებულია 410 დაღუპული მშვიდობიანი მოქალაქის ცხედარი. - ამის შესახებ, უკრაინის გენერალურმა პროკურორმა ირინა ვენედიქტოვამ Facebook-ზე განაცხადა.

1 აპრილს ბუჩას მერმა ანატოლი ფედორუკმა დაადასტურა, რომ უკრაინელმა სამხედროებმა რუსი ოკუპანტები განდევნეს. უკან დახევისას რუსებმა დანაღმეს სამოქალაქო ნაგებობები, ინფრასტრუქტურული ობიექტები და დასახლებული პუნქტები.
გათავისუფლებულ ქალაქში უკრაინელმა სამხედროებმა დაიწყეს ტერიტორიის გაწმენდა დივერსანტებისა და რუსი თანამზრახველებისგან.

2 აპრილის საღამოს უკრაინის თავდაცვის მინისტრის მოადგილემ ანა მალიარმა განაცხადა, რომ მთელი კიევის რეგიონი განთავისუფლდა რუსი დამპყრობლებისგან.

უკრაინელმა სამხედროებმა, რომლებმაც კიევის ირგვლივ ყველა ტერიტორია დაიბრუნეს, აცხადებენ, რომ ქალაქებში დაღუპულ მშვიდობიან მოქალაქეებს პოულობენ. განთავისუფლებული ქალაქი ბუჩას მერმა თქვა, რომ 300 მცხოვრები დაიღუპა რუსული არმიის ერთთვიანი ოკუპაციის დროს, ხოლო მსხვერპლი ნახეს მასობრივ საფლავში, ზოგი კი, კვლავ ქუჩებში ეგდო.

ავტორი: ექსპრესნიუსი,

სოციალური ქსელები

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს