პოლონეთი, ლატვია, ლიეტუვა და ესტონეთი უახლოეს 48-72 საათში რუსეთისგან სრული იზოლაციის პროცესს დაიწყებენ, რაც რუსეთის ფედერაციასთან და ბელარუსთან საზღვრების მთლიანად დახურვას მოიცავს. კერძოდ, შეწყდება ყველა სახის ტრანსპორტით რუსეთში საქონლის მიწოდება. - ამის შესახებ უკრაინის ინფრასტრუქტურის მინისტრის მოადგილემ მუსტაფა ნაიემ   Telegram არხზე განაცხადა.

"გასულ კვირას ჩვენ ოფიციალურად ვთხოვეთ ჩვენს კოლეგებს, შეეწყვიტათ ნებისმიერი საგზაო კომუნიკაცია რუსეთის ფედერაციასთან და ბელარუსთან. მადლობა ამ ქვეყნების სატრანსპორტო მინისტრებს, ველოდებით საბოლოო შედეგს", - განაცხადა ნაიემ.

მისი თქმით, დადებითი გადაწყვეტილების მიღების შემთხვევაში, რუსეთის ფედერაციასთან და ბელორუსთან საზღვრები მთლიანად დაიხურება, რაც ნიშნავს, რომ ავტოკომუნიკაცია და ყველა სახის ტრანსპორტის გადაადგილება შეუძლებელი გახდება.

შეგახსენებთ, უკრაინაში რუსეთის სრულმასშტაბიანი სამხედრო შეჭრის შემდეგ, ევროკავშირმა დახურა ცა რუსული თვითმფრინავებისთვის, მათ შორის სატვირთო თვითმფრინავებისთვის. თუმცა რუსეთში საქონლის სახმელეთო გზით მიტანა მაინც ხდებოდა. 

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!