2022-04-04 13:30:29, 681 ნახვა
მსოფლიო
ლუგანსკის რაიონში რუსემა ოკუპანტებმა რუბიჟნეს ეკლესია დაბომბეს - დაჭრილია ორი მღვდელი
რუსმა ოკუპანტებმა ლუგანსკის ოლქის რუბიჟნეს ეკლესიას ცეცხლი გაუხსნეს, რის შედეგადაც ორი მღვდელი დაიჭრა. ამის შესახებ Facebook-ის საკუთარ გვერდზე ლუგანსკის რეგიონალური სამხედრო ადმინისტრაციის ხელმძღვანელმა სერხი გაიდაიმ განაცხადა.
"ორკებმა სხვა ტაძარში გაისროლეს და ორი მღვდელი დაჭრეს. რაშისტური ჭურვი რუბიჟნეში წმინდა ლუკა ყირიმელის პატივსაცემად ეკლესიას მოხვდა. ტაძრის სახურავი დაბომბვის შედეგად ჩამოინგრა", - განაცხადა გაიდამ.
ცნობისთვის, 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი ოპერაციის დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსეთის სამხედრო ძალები უკრაინას სხვადასხვა მიმართულებიდან უტევენ.
ავტორი: ექსპრესნიუსი,
epn.ge (@expressnews.ge)
