2022-03-31 12:46:22, 504 ნახვა
მსოფლიო
გერმანია მზადაა, ომის დასრულების შემდეგ უკრაინას უსაფრთხოების გარანტიები მისცეს
გერმანია მზადაა უკრაინას უსაფრთხოების გარანტიები მისცეს. - ამის შესახებ გერმანიის საგარეო საქმეთა მინისტრმა ანნალენა ბერბოკმა განაცხადა.
საგარეო საქმეთა მინისტრის თქმით, გერმანია მზადაა ომის დასრულების შემდეგ უკრაინის უსაფრთხოება უზრუნველყოს. მაგრამ ომი ისევ გრძელდება - და რუსული განცხადებების ნდობა შეუძლებელია, დასძინა ბერბოკმა.
"თუ გარანტიებია საჭირო, მაშინ გერმანია გარანტიებს გასცემს. ჩვენ სრულ სოლიდარობაში ვართ, უკრაინასთან, ეს ასევე ეხება სამშვიდობო მოლაპარაკებებს და სამშვიდობო წესრიგის გაგრძელებას", - ნათქვამია განცხადებაში.
ცნობისთვის, 29 მარტს სტამბოლში უკრაინისა და რუსეთის ფედერაციის დელეგაციების მოლაპარაკებების პირველი რაუნდი გაიმართა.
ავტორი: ექსპრესნიუსი,
epn.ge (@expressnews.ge)
