უახლოეს დღეებში კიევთან ახლოს, გარეუბნებში რუს ოკუპანტებსა და უკრაინის შეიარაღებულ ძალებს შორის მძიმე  ბრძოლები გაიმართება, - ამის შესახებ ინფორმაციას დიდი ბრიტანეთის თავდაცვის სამინისტრო საკუარ დაზვერვაზე დაყრდნობით წერს. 

ბრიტანული დაზვერვის ინფორმაციით, მიუხედავად იმისა, რომ ოკუპანტებმა ჯარების ნაწილი გაიყვანეს, მტერი აგრძელებს პოზიციების შენარჩუნებას კიევის აღმოსავლეთით და დასავლეთით, რის გამოც, შესაძლოა უახლოეს დღეებში სასტიკი ბრძოლები გაიმართოს. დაზვერვა არ აკონკრეტებს, რომელი მხარე გადავა თავდასხმაზე. 

ბრიტანეთის დაზვერვის ანგარიშში ასევე აღნიშნულია, რომ ოკუპანტები აგრძელებენ სროლას და სარაკეტო თავდასხმებს ჩერნიგოვზე და სამხედრო აქტივობის შემცირება, რაზეც რუსულმა მხარემ სტამბოლში გამართულ მოლაპარაკებებზე ისაუბრა, არ შეინიშნება. 

ანგარიშში ასევე აღნიშნულია, რომ ბრძოლები მარიუპოლშიც გრძელდება. ქალაქში კვლავ მძიმე შეტაკებებია, მაგრამ უკრაინელი სამხედროები აგრძელებენ მარიუპოლის ცენტრის დაცვას. 

ავტორი: ექსპრესნიუსი,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა