2022-03-30 16:43:36, 589 ნახვა
მსოფლიო
კგბ-ს დაზვერვის ყოფილი თანამშრომელი - სერგეი შოიგუ საბრძოლო მასალის ძიებითაა დაკავებული
რუსეთის თავდაცვის სამინისტროს ხელმძღვანელის, სერგეი შოიგუს „გაუჩინარებასთან“ დაკავშირებით მედიაში, ბოლო დროს ბევრი ჭორი გავრცელდა.
სერგეი შოიგუს „გაუჩინარების“ საკითხს კგბ-ს დაზვერვის ყოფილი ოფიცერი, იური შვეცი გამოეხმაურა და აღნიშნა, რომ შოიგუ საბრძოლო მასალების მოძიებით იყო დაკავებული.
როგორც მან გამოცემა GORDON-თან ინტერვიუში აღნიშნა, რუსეთის არმიას რესურსი ეწურება და დახმარების თხოვნით ჩინეთსაც მიმართეს, თუმცა უარი მიიღეს.
„როგორც წყაროებიდან ვიცი, შოიგუ ბოლო დროს საბრძოლო მასალის ძიებით იყო დაკავებული რუსეთის ჯარს საბრძოლო მასალა ეწურება, ამიტომ დახმარება ჩინეთს სთხოვეს. მოთხოვნაზე კი ჩინელებმა თქვეს არა. ეს მათთვის ძალიან სამწუხარო ფაქტი იყო. ისინი საბრძოლო მასალას ეძებენ“, - დასძინა შვეცმა.
ავტორი: ექსპრესნიუსი,
epn.ge (@expressnews.ge)
