G7-ის ქვეყნები - გერმანია, დიდი ბრიტანეთი, იტალია, საფრანგეთი, აშშ, კანადა და იაპონია - შეთანხმდნენ, რომ  გაზის საფასური რუბლით არ გადაიხადონ, როგორც ამას რუსეთის პრეზიდენტი ვლადიმერ პუტინი ითხოვდა. - ამის შესახებ გერმანიის ენერგეტიკის მინისტრმა რობერტ ჰაბეკმა განაცხადა.

„დიდი შვიდეულის მინისტრები სრულად თანხმდებიან, რომ ეს არის არსებული კონტრაქტების ცალმხრივი და აშკარა დარღვევა“, - განაცხადა ჰაბეკმა მოსკოვის მოთხოვნებზე.

ამასთან, მან რუსეთის მოთხოვნებს მიუღებელი უწოდა და კომპანიებს მოუწოდა "არ დაეთანხმონ პუტინის პირობებს.

შეგახსენებთ, ვლადიმერ პუტინმა 23 მარტს,  ევროპას რუსული გაზის საფასურის გადახდა რუბლით მოსთხოვა.

პუტინის თქმით გადაწყვეტილება, რუსეთის ოქროსა და სავალუტო რეზერვების გაყინვას და სავალუტო გადახდების შეზღუდვას უკავშირდება.

მანამდე ვლადიმერ პუტინის პრესმდივანმა დიმიტრი პესკოვმა განაცხადა, რომ მოსკოვი ევროპას გაზს უფასოდ არ მიაწოდებს, თუ დასავლეთის ქვეყნები გაზს ეროვნულ ვალუტაში არ გადაიხდიან. მისი თქმით, მთავრობა და გაზპრომი შეიმუშავებენ მექანიზმს და განსაზღვრავენ იმ პერიოდს, როდესაც გაზის გადახდა რუბლში მოხდება.

ავტორი: ექსპრესნიუსი,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა