Billingcat-ის პროექტის ჟურნალისტ-გამომძიებელი, ხრისტო გროზე აცხადებს, რომ რუსეთის ფედერაცია განიხილავს ბირთვული იარაღის გამოყენების შესაძლებლობას უკრაინის წინააღმდეგ, რაც კრემლის სპიკერმა, დიმიტრი პესკოვმა დაადასტურა. ამის შესახებ მან უკრაინულ მედიასთან საუბრისას განაცხადა.

მისი თქმით, მოულოდენლად გაუჩინარებული რუსეთის თავდაცვის მინისტრი, სერგეი შოიგუ ახლა უფას მახლობლად მდებარე საიდუმლო ბუნკერში იმალება, რასაც საჰაერო მოგზაურობის მონაცემებიც ადასტურებს.

ჟურნალისტი ამტკიცებს, რომ რუსეთის ფედერაცია წინასწარ მალავს სამხედრო და პოლიტიკურ ხელმძღვანელობას, თუ რეალურად განიხილავს ბირთვული იარაღის გამოყენების სცენარს. 

ამასთანავე, ჟურნალისტის თქმით, თავად ვლადიმერ პუტინი სხვა ბუნკერში იმალება, რომელიც ურალთან არის განთავსებული. ჟურნალისტის შეკითხვაზე, რამდენად რეალურია, რომ რუსეთი უკრაინის წინააღმდეგ ბირთვულ იარაღს გამოიყენებს ჟურნალისტმა უპასუხა:

„იცით რა, რთულია ამაზე პასუხის გაემა. ჩვენ ვესაუბრეთ რუსეთის სპეცსამსახურების წარმომადგენლებს. ის ადამიანები, რომლებიც ომის დაწყებამდე, ჯერ კიდევ დეკემბერ-იანვარში გვაფრთხილებდნენ, რომ ბირთვული იარაღის გამოყენება მეტად სავარაუდოა, რომ ვლადიმერ პუტინს ეს თავად სურს, ის საკუთარ ახლო წრეს ეუბნება, რომ მზად არის ამაზე წავიდეს, ეს ადამიანებიც კი ახლა ამბობენ, რომ ვლადიმერ პუტინი კიევის აღების წარუმატებელი მცდელობის შემდეგ, სავარაუდოდ, გასცემს ამ ბრძანებას. მაგრამ მას არ შეუძძლია გამოიყენოს ბირთვული იარაღი პირობითი წითელი ღილაკით. ეს წითელი ღილაკი არსებობს, მაგრამ არის 5 ადამიანი, რომლებმაც უნდა შეასრულონ ყველა ეს ბრძანება ჯაჭვში, სანამ ბირთვული რეზერვის მქონე რაკეტა აფრინდება. ჩვენი წყაროები დარწმუნებულნი არიან, რომ ამ ხუთიდან იქნება რამდენიმე მაინც, ვინც ამ ბრძანების შესრულებაზე უარს იტყვის“, - აცხადებს ჟურნალისტი.

ავტორი: ექსპრესნიუსი,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა