G20-ის წევრების უმეტესობა ეკონომიკურ ომშია, ამიტომ არაფერი საშინელი არ მოხდება, თუ რუსეთი იქიდან გამოირიცხება, - ამის შესახებ რუსეთის ფედერაციის პრეზიდენტის პრესმდივანმა დიმიტრი პესკოვმა ჟურნალისტებთან საუბრისას განაცხადა.

მისი თქმით, ამ შემთხვევაში, რუსეთის ფედერაცია სხვა ქვეყნებთან ურთიერთობის ახალი ვექტორების აშენებას დაიწყებს. 

„დიდი ოცეულის ფორმატი მნიშვნელოვანია, მაგრამ დღევანდელ პირობებში, როდესაც ამ ფორმატის მონაწილეთა უმეტესობა ეკონომიკურ ომშია, არაფერი საბედისწერო არ მოხდება [რუსეთის ფედერაციის გამორიცხვის შემთხვევაში]. თუმცა რუსეთიც ამ ფორმატში სხვა მონაწილეთა მოსაზრებებით ხელმძღვანელობს და მზად იქნება მონაწილეობა მიიღოს. თუ არ არის შესაძლებლობა, არაფერი საბედისწერო არ იქნება, ”- თქვა პესკოვმა.

პესკოვმა თქვა, რომ აშშ აგრძელებს „რუსეთის იზოლირებას“, მაგრამ მსოფლიო ბევრად უფრო მრავალფეროვანია, ვიდრე აშშ და ევროპა. 

ცნობისთვის, დიდი ოცეული (G20) - მსოფლიო ეკონომიკის მთავარი სტრატეგიული ეკონომიკური ფორუმია. აერთიანებს მსოფლიოში ეკონომიკურად წამყვან და სწრაფად განვითარებად ქვეყნებს. ოცეულის წევრები არიან: აშშ, კანადა, ავსტრალია, არგენტინა, ბრაზილია, მექსიკა, რუსეთი, ჩინეთი, იაპონია, სამხრეთი კორეა, სამხრეთი აფრიკა, თურქეთი, საუდის არაბეთი, ინდოეთი, ინდონეზია, იტალია, დიდი ბრიტანეთი, გერმანია და საფრანგეთი. „დიდი ოცეული“ მსოფლიოს შიდა პროდუქტის 80%-ს, მსოფლიო ვაჭრობის 80%-სა და მსოფლიო მოსახლეობის 2/3-ს მოიცავს.

ავტორი: ექსპრესნიუსი,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა