ავსტრალია მოგზაურობის აუკრძალვას და მიზანმიმართულ ფინანსურ სანქციებს დააწესებს რუსეთის უშიშროების საბჭოს რვა წევრს, - ამის შესახებ,  ავსტრალიის პრემიერ-მინისტრმა სკოტ მორისონმა განაცხადა.

 ავსტრალიის პრემიერის თქმით,  გაფართოვდება უკვე არსებული სანქციები  „რომელიც ეხება, ყირიმის და სევასტოპოლის ოკუპაციას. 

იაპონიის მთავრობის განცხადებით, აიკრძალება ქვეყანაში რუსული ობლიგაციების გამოშვება და გარკვეული ინდივიდების ანგარიშები გაიყინება. გარდა ამისა, ეს პირები იაპონიაში შესვლას ვეღარ შეძლებენ, რადგან სანქციები მათ ვიზებსაც შეეხებათ.

„რუსეთის ქმედებები ძალიან ნათლად აზიანებს უკრაინის სუვერენიტეტს და ეწინააღმდეგება საერთაშორისო კანონმდებლობას", - განაცხადა იაპონიის პრემიერ-მინისტრმა, ფუმიო კუშიდამ.

რაც შეეხება კანადას, ქვეყნის პრემიერ-მინისტრმა, ჯასტინ ტრუდომ ეკონომიკური სანქციების პირველი ეტაპი გამოაცხადა. მისივე თქმით, ასევე სანქციები დაუწესდებათ რუსეთის პარლამენტის იმ წევრებს, რომლებმაც დონეცკისა და ლუგანსკის ე.წ. დამოუკიდებელ სახელმწიფოდ აღიარებას დაუჭირეს მხარი.
რუსეთის წინააღმდეგ სანქციები დაწესდა რუსეთის ელიტის და მათი ოჯახის წევრების წინააღმდეგ, ასევე რუსეთის სუვერენულ ვალზე და რუსეთის ფედერაცია ვერ შეძლებს მსოფლიო ბაზრებზე ობლიგაციებით ვაჭრობას და სესხების მიღებას.
ამის შესახებ საგანგებო მიმართვისას აშშ-ს პრეზიდენტმა ჯოზეფ ბაიდენმა განაცხადა.

ავტორი: ექსპრესნიუსი,

სოციალური ქსელები

პუტინი: რუსეთი მზად იყო უკრაინასთან მოლაპარაკებები არჩევნების შემდეგ განაახლოს

CBS News: აშშ კუბასთან ომს გეგმავს

უცხოური ტერორისტული ორგანიზაციების მატერიალური მხარდაჭერის ბრალდებით, აშშ-ში უზბეკეთის მოქალაქის ექსტრადიცია განხორციელდა

მაკა ბოჭორიშვილის შეხვედრა ბელარუსის საგარეო საქმეთა მინისტრთან მაქსიმ რიჟენკოვთან