2022-02-23 12:06:04, 782 ნახვა
მსოფლიო
გერმანიის ვიცე-კანცლერი არ გამორიცხავს, რომ „ჩრდილოეთ ნაკადი 2“-ის პროექტი მთლიანად შეჩერდეს
რუსული „ჩრდილოეთ ნაკადი 2“-ის გაზსადენის პროექტი შეიძლება მთლიანად შეჩერდეს. აღნიშულის შესახებ გერმანიის ეკონომიკის მინისტრმა და ვიცე-კანცლერმა, რობერტ ჰაბეკმა ტელეარხ ARD-ის ეთერში განაცხადა.
„ეს შეიძლება მოხდეს. დღევანდელი ღონისძიება [„ჩრდილოეთ ნაკადი 2“-ის გაზსადენის პროექტის სერტიფიცირების შეჩერება] არ არის ვიწრო და მკაცრი გაგებით სანქცია. ჩვენ კოორდინაციას ვაწარმოებთ ევროპელ და ამერიკელ პარტნიორებთან“, - განაცხადა მინისტრმა.
მანამდე, გერმანიის ეკონომიკის სამინისტრომ, კანცლერის სახელით, გამოითხოვა ფედერალური ქსელის სააგენტოს ანგარიში „ჩრდილოეთ ნაკადი 2“-ის შესახებ, რომლის საფუძველზეც, ფედერალური ქსელის სააგენტომ გაზსადენის სერტიფიცირების შეწყვეტა მოახდინა.
ავტორი: ექსპრესნიუსი,
epn.ge (@expressnews.ge)
