2022-02-17 11:33:05, 633 ნახვა

---

ევროპარლამენტმა მიკროფინანსური დახმარების ფარგლებში, უკრაინისთვის 1.2 მილიარდი ევროს სესხის გამოყოფას მხარი დაუჭირა

ევროპარლამენტმა მიკროფინანსური დახმარების ფარგლებში, უკრაინისთვის 1.2 მილიარდი ევროს სესხის გამოყოფას მხარი დაუჭირა. რეზოლუცია 598 ხმით მიიღეს, წინააღმდეგ კი, 55 ხმა დაფიქსირდა.

ფინანსურ დახმარებას უკრაინა ორი ტრანშით მიიღებს. გარკვეული წინაპირობების დაკმაყოფილების შემთხვევაში, 1.2 მილიარდი ევროს ოდენობის კრედიტის ნახევარი, შესაძლოა დაუყოვნებლივ გაიცეს სტაბილურობის ხელშეწყობის მიზნით.

იმისათვის, რომ თანხა გაიცეს, ქვეყანამ უნდა აჩვენოს პროგრესი საერთაშორისო სავალუტო ფონდის (IMF) მიერ შემუშავებული მაკროეკონომიკური პროგრამის განხორციელებაში.

ევროპარლამენტარები ხაზს უსვამენ, რომ თანხის გაცემის წინაპირობ, ასევე არის „ეფექტური დემოკრატიული მექანიზმები, მათ შორის მრავალპარტიული საპარლამენტო სისტემა და კანონის უზენაესობა, ასევე გარანტიები ადამიანის უფლებების დაცვაში“.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი