2022-02-17 10:10:00, 1001 ნახვა
მსოფლიო
ჯო ბაიდენი და ოლაფ შოლცი უკრაინაში არსებულ ვითარებას „უკიდურესად სერიოზულს” უწოდებენ
ამერიკის პრეზიდენტმა, ჯო ბაიდენმა და გერმანიის კანცლერმა, ოლაფ შოლცმა უკრაინაში არსებულ ვითარებასთან დაკავშირებით სატელეფონო საუბარი გამართეს და რუსეთს მოუწოდეს , განიმუხტოს დაძაბულობა უკრაინის საზღვართან.
ბაიდენიც და შოლციც უკრაინაში არსებულ ვითარებას "უკიდურესად სერიოზულს" უწოდებენ.
მათივე თქმით, რუსული სამხედრო აგრესიის რისკი ჯერ კიდევ არსებობს.
ლიდერების შეფასებით, საჭიროა „მაქსიმალური სიფხიზლე, ვინაიდან ჯერ რუსეთს უკრაინის საზღვრიდან შეიარაღებული ძალების მნიშვნელოვანი ნაწილი არ გაუყვანია“.
ამასთან ლიდერებმა ხაზი გაუსვეს ნატო-ს აღმოსავლეთ ფლანგის გაძლიერების მნიშვნელობას მოსკოვის შეჭრის შემთხვევაში.
ავტორი: ექსპრესნიუსი,
epn.ge (@expressnews.ge)
