2022-02-16 15:24:36, 813 ნახვა
მსოფლიო
მედია - ისრაელმა უკრაინისთვის „რკინის გუმბათის“ სისტემის მიყიდვაზე უარი განაცხადა
აშშ-ს მხრიდან უკრაინისთვის „რკინის გუმბათის“ ანტისარაკეტო სისტემის რამდენიმე ბატარეის მიყიდვის მცდელობა, ისრაელმა შეაჩერა. ამის შესახებ ინფორმაციას ებრაული მედია იუწყება.
გამოცემის ცნობით, გასული წლის ღაზის სექტორთან არსებული კონფლიქტის პერიოდში, აშშ-სა და ისრაელის საჰაერო თავდაცვის სისტემებმა უკრაინა დააინტერესა, რის შემდეგაც უკრაინამ აშშ-ს კონგრესმენების დარწმუნება დაიწყო, რათა რაკეტსაწინააღმდეგო სისტემები მათთვის მიეყიდათ.
მედიის ინფორმაციით, უკრაინის მთავრობამ ჯო ბაიდენის ადმინისტრაციას „რკინის გუმბათისა“ და „პატრიოტის“ ტიპის ანტისარაკეტო სისტემების შეძენასთან დაკავშირებით, ოფიციალურად მიმართა, თუმცა აშშ-ს თანხმობის მიუხედავად, ისრაელმა ერთობლივი პროექტის გაყიდვაზე უარი განაცხადა.
ავტორი: ექსპრესნიუსი,
epn.ge (@expressnews.ge)
