2022-02-07 10:04:49, 669 ნახვა
მსოფლიო
ემანუელ მაკრონი - უკრაინაში ომის თავიდან ასარიდებლად შეთანხმების მიღწევა შესაძლებელია
უკრაინაში ომის თავიდან ასარიდებლად შეთანხმების მიღწევა შესაძლებელია, - ამის შესახებ საფრანგეთის პრეზიდენტმა, ემანუელ მაკრონმა განაცხადა.
როგორც მან აღნიშნა, აუცილებელია „ახალი ბალანსის“ შექმნა, რომელიც დაიცავს ევროპულ სახელმწიფოებს და დააშოშმინებს რუსეთს.
„ჩვენ უნდა დავიცვათ ჩვენი ევროპელი ძმები ახალი ბალანსის შეთავაზებით, რომელსაც შეუძლია, შეინარჩუნოს მათი სუვერენიტეტი და მშვიდობა. ეს უნდა გაკეთდეს რუსეთის პატივისცემით და ამ დიდი ხალხისა და დიდი ერის თანამედროვე ტრავმების გააზრებით“, - განაცხადა მაკრონმა.
საფრანგეთის პრეზიდენტი 7 თებერვალს მოსკოვში, რუსეთის პრეზიდენტ ვლადიმერ პუტინს შეხვდება, 8 თებერვალს კი უკრაინაში გაემგზავრება.
ავტორი: ექსპრესნიუსი,
epn.ge (@expressnews.ge)
