ეროვნულ-დემოკრატიული ინსტიტუტის (NDI) მიერ გამოქვეყნებული კვლევის შედეგების თანახმად, მოსახლეობის უმრავლესობა, 52% მთავრობის საქმიანობით უკმაყოფილოა, 39% კარგად აფასებს, 7%-მა კი, არ იცის.

ამავე კვლევის მიხედვით, მოსახლეობის უმრავლესობა ქვეყნის ლიდერებითა და ინსტიტუტებით უკმაყოფილოა. კერძოდ, პრემიერ-მინისტრ ირაკლი ღარიბაშვილის საქმიანობას 35% აფასებს ცუდად, 27% კი, კარგად აფასებს.

საქართველოს პრეზიდენტის, სალომე ზურაბიშვილის საქმიანობას გამოკითხულთა 46% აფასებს ცუდად, 14% კი, კარგად. საქართველოს პარლამენტის საქმიანობას ცუდად მოსახლეობის 46%, კარგად კი, 12% აფასებს. ცენტრალური საარჩევნო კომისიის (ცესკო) საქმიანობას 35% ცუდად, 22% კი, კარგად აფასებს. 

აღნიშნული კვლევა ჩატარებულია NDI-ის დაკვეთით CRRC საქართველოს მიერ. საველე სამუშაოები 2021 წლის 7-13 დეკემბერს ჩატარდა. სატელეფონო ინტერვიუს მეთოდი ჩატარდა 2 099 დასრულებული ინტერვიუ. საშუალო ცდომილების ზღვარი არის +/- 1,3%. რესპონდენტები მარტივი შემთხვევითი შერჩევის გზით - შემთხვევით ნომერზე დარეკვის მეთოდით შეირჩნენ.

ინტერვიუები ჩატარდა ქართულ, აზერბაიჯანულ, სომხურ და რუსულ ენებზე. კვლევა საქართველოს მთლიანი მოსახლეობის წარმომადგენლობითია (ოკუპირებული ტერიტორიების გამოკლებით). გარდა ამისა, კვლევა წარმომადგენლობითია თბილისის, ურბანული და სოფლის ტიპის დასახლებებისთვის.

ავტორი: ექსპრესნიუსი,

სოციალური ქსელები

სასამართლოს კანცელარიის დაცვის მცდელობის საქმეზე ალეკო ელისაშვილს 13-წლიანი პატიმრობა მიესაჯა

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში